يارب ألطف بحالي ! متبهدلـة من الألف لليـاء

شخباركم خواتي ؟!

ابي افضفض لاني مكبوتة و حاليا أمر بظروف الله وحده العالم فيها ..

انا حامل ووحامي خااااايس وفظييع الحمدلله ع كل حال ؛ يعني ارجع وتعبانة طول اليوم وملتاعة .. مشكلتي اني اهملت بيتي وزوجي وولدي الصغير فديته الله يحفظه عمره سنة ونص ..
و ترقدت مرتين بالمستشفى بسبب الجفاف الحاد واني ماقدر اكل .. بس فكل مرة اطلع قبل لا اكمل 24 ساعة عشان ولدي .. بتقولون خلي حد يمسكه بقولكم انا اخليه عنداهلي بس مايتحملونه ويتصلون حقي بالمستشفى ويخبروني اني لازم اطلع عشانه وهذا الي يصير ..
يعني استغفر الله محد فيه خير ومحد بيمسك ولدي شوي لين ما اطيب ..
لا اهلي ولا اهل ريلي .. وهالي متعبني وممرضني اكثر .. خاصة ولدي يباله اكل وتبديل وغيره وانتو تدرون يا خواتي ..
ومن اسبوع ولدي مرض حمى واحتقان. والحرارة ماتنزل وانا مب قادرة اهتم فيه بزيادة بس اصيح واتألم أقسم بالله أتاألم وقلبي يعورني بس شو السوات ؟؟!! حالي أسوأ من حاله فديته !!

وديناه العيادة وعطوه ادوية وتحسس منها وصار جسمه احمر وانا مب عارفة وين ادق براسي !!!!!

ماعندي بشكارة ولا حد يساعدني ابدااااااااا !!

عاجزة ووحيدة ودمعتي ع خدي !!

يارب تشفيني عاجلا غير اجل وتشفي ولدي يااارب ..

نصايحكم حبايبي ودعواتكم ان هالفترة تمر ع خير لاني انكويت من الحزن والألم والحمدلله علئ كل حال .. 

او هاتي خدامه موقته لين تتسهل امورج

بس دام حالج جي!! فالنفاس يحليله منو بيقوم فيه

من الحين نصيحه هاتي لج بشكاره لج و أتساعدج عالاقل و في ولادتد تهتم في ولدح شوي و توكله دام محد من هلج و هل ريلج له بارض ..
و هاتي بشكاره تكون لها رغبه في تربيه طفل عسب لا سمح الله ما أتأذيه