السلام عليكمم ورحمه الله وبركاته,
مممممم انا ماعرف لهالسوالف واكيد انتو بتفيدوني
حمداني خلص ال 5 شهور وداش بالسادس وتبارك الرحمن الله يحفظه يارب ظهرت له الاسنان تقريبا من 3 اسابيع !! سنين تحت فديته
شو اعطيه فديتكم من الاكل؟
ومره شفت عضاضه الاكل؟
هاي من اي شهر ؟
وشو احطي داخلــــــــــها ؟
^^
فديتكم لاتقصرون فيني خبروني كل شي وحتى لو بالصور ^^
وعليكم السلام ورحمة الله وبركاته
العضاضه شريتها ما نفعت لأنهم ما يقدرون يمسكونها فهالسن
المهم أبدئي بصنف صنف
الفواكه
التفاح .. الموز .. الكمثرى
الخضار
البطاطا .. الكوسا .. القرع العسلي .. البروكلي .. الجزر أخريه شوي لين آخر السادس
ضيفي الدياي بعد فتره أطبخيه عدل وأطحنيه ويا الخضره
ضيفي الشوفان والرز والمعكرونه لوجباته وأطحنيه عدل فالخلاط
لا تضيفين الملح والبهار فهالسن ما يميزون الطعم عادي يآكلون الخضره بدون إضافات
لا تضيفين الدهون إلا بعد الشهر الثامن تقريبا
بعد السادس عطيه صفار البيض والسمج شوي شوي
كل صنف بتضيفينه تمي عليه 3 .. 4 تيام عشان تعرفين إذا كان يتحسس منه ولا لا
فالبدايه عطيه صنف صنف من الفواكه والخضروات بعدين أخلطيها ويا بعض
بعد ما يكبر شوي عطيه البسكوت بسكوت الأطفال
فالبدايه بيآكل كمية بسيطه بعدين زيدي شوي شوي على حسب الحاجه
المفروض يآكل فنجان فكل وجبه تقريبا 5 ملاعق كبيره من الأكل
طبعا الفواكه المهروسه افضل من العصاير وإذا عصاير خففيها بالماي
فديتج هنوووووووووده ..
انا بسوي بعض الشغلات والبعض يوم بروح بيت ماما او عمتي يسوونها اخاف ماظبطها عدل
واخاف اعطيه خخخ …
تسلمين حبيبتي وربي يوفقج ان شاء الله
اهرسي له خضار وفواكه مفيده كثير
الأحت هنوده كفت ووفت
بس الغالية ابدي بالخضرة أول لا تعطين البيبي فواكه لأن ما بيتقبل الخضرة،،، ابدي أول أسبوع خضار بعدين شوي شوي سوي عصاير برتقال و تفاح للبيبي
ربي يخليج لج