اكيد البعض منا يعاني من المسام خاصة عند منطقة الخد و ممكن تكون بشكل خفيف و لكن يبين
فاللي جربت طريقة تخفف من المسااام او عندها طرق و حلول معينة
بالتقشير او بوصفات او كريمات
تفيييييدنا
و النقاش للجميع
خلوووووووووونا نحرك القسم
انصحج بعدم استخدام الصابون على الوجه ابدا
استخدمي غسول فقط
الثلج
ربيعتي أتقول قشر البرتقال أتجففينه و تطحنينه و إتحطين فيه ماء ورد و أتخلينه على ويهج الصراحه ما جربت بس على كلامها
انا جربت بخاخ ماي الورد اتحطين ماي الورد في بخاخ واتخلينه فالثلاجه عشان يكون بارد وبين فتره والثانيه ترشين الوجه بالبخاخ الصراحه وايد حلو ايسكر المسام ويورد الخدود يعني ماشفت منه اي ضرر بس هذي تجربتي انا ويمكن اتكون بشرتج غير عن بشرتي جربي ان شفتيه زين واضبي وان ماعجبج او مانفعج اتركيه عشان ماتدعين علي 
وبالتوفيق
المسام شي وراثي … ما تقدرين تغيرينه لا بكريمات و لا بخلطات و لا ببطيخ!! 
لازم تتقبلين الواقع… لكن في اشياء تخلي المسام تبين اكثر
اولا: الجفاف و التدخين و عامل السن و عدم تنظيف و ترطيب البشرة بشكل جيد.. انصحج بتنظيف البشرة مرتين في الشهر و استخدام كريمات تناسب مرحلة عمرج من ماركات فرنسية مثل لانكوم و ايستي لودر و شانيل.. و ابتعدي عن الكريمات اللي في السوبرماركت و الخلطات المجهولة و اشربي ماي على الاقل ليترين في اليوم و كل اكل صحي يعتمد على الخضار و الفواكه و المكسرات ( بدون تحميص او ملح) مثل اللوز و الفستق و الجوز و الكاجو…
ثانيا استخدمي فيس برايمر قبل ما تحطين كريم الاساس.. كل الشركات تسوي هالنوع من الكريمات و هو يكون مثل الشمع و يخلي ويهج قطعة
وحدة و يعبي المسام و التجاعيد .. و افضل نوع و اللي يستخدمونه
ممثلات هوليوود من شركة سماش بوكس و هذي صورته
http://www.collegefashion.net/wp-con…omen562934.jpg
بتلقينه في محلات وجوه.. و ان شاء الله تستفيدين منه..
تسلمون بنات