اشحالكن يا امهات المستقبل
بدخل بالموضوع على طول
تلاحظون يا حلوات انه في فترة الحمل وايد اشياء تستوي النا مثلا الم الاسنان والام في الركبه وتساقط الشعر وتقصف الاظافر …………الخ
تدرون ليش ؟؟!!
لانه البيبي اللي في بطنا يستمد غذاءه من مكونات جسمنا صح ؟
هيه انا اقولكن صح
ولو انتي ما تشربين حليب مرتين باليوم وبانتظام ….رح تعرضين جسمج لنقص الكالسيوم والنتيجة عوار الظهر والركب والاسنان ومفاصل الايد والكسل والخمووول ……
لو نسبة البروتين في الدايت مالج اي في عذائج اليومي مب كافيه لتمدين جسمج بالبروتين اللازم …ينتج عنه تساقط الشعر وضعف الاظافر ….
وهكذا ……….الخ
وكلنا تقريبا يوم ندخل الشهر الرابع يوقفون عنا الفوليك اسد ويعطونا علبة حجمها كبير اسمها promise nunal
هالفيتامين غني بالحديد وروووعه ولازم تستخدمينه طوااال فترة الحمل من بعد الشهر الثالث ولين تفطمين البيبي …
ها يدعم جسمج بالنواقص وليش قلت لين تفطمين البيبي لان البيبي وهو يرضع بعد ياخذ عناصر من جسم امه وخاصه بتلاحظون العطش بعد الرضاعه
وهالرمسه الحين انا ولدي بيدش السبع شهور ومن انا حامل استخدم الحبوب ولين يومكم مره جربت اوقف الحبوب يوم استوى عمر ولدي 3 اشهور اسبوع واحد تساااقط شعري واظافري تقصفت اطرافها عقب رديت الها والحمدلله التساقط معدله طبيعي والاظافر قوية
ومب بس هالحبوب الحين بعد الولاده يا دوركم تشربون الحليب المدعم بالكالسيوم ضروووري يا بنات مرتين باليوم
الفيتامينات اللازم + الحليب كفيلين بالمحافظة على جسمج ومكوناته
وحبيباتي اللي يعانين من الامساك عليكن بعصير البرتقال كل يوم الصبح كاس كبير عصير برتقال ويا حبذا لو مخلوط معاه حليب غسبة ما يستوي لكن حرقان…انا الحمدلله ما عانيت لانه ريلي من عرف بحمالي يوميا يشربني عصير برتقال بالحليب وهو اروحه كل ساعتين ثلاث اييب لي يا عصير يا ماي يا فواكه …
هالمعلومات من تجربتي وها حملي الاول وولدي الاول ببتقولون ما عندي خبره بس اقولكم بلا ويكف يالحين ربيعتي في حملها الاول بعد ولادتها ودرت الفيتامينات والمقويات صارت قرعااا فراغات بشعرها واضحه وكله جسمها يعورها وعظامها وظهرها وركبها في حملها الثاني هي حملت معاي واتبعت طريقتي تقول ماشاء الله شعرها اوكي وماتعاني الام بجسمها طبعا باستثناء الم الظهر بسبب الرضاعه
توها تخبرنيه فتذكرتكم وحبيت افيدكن
ان شاء الله افدتكن
^.^
يزاج الله خييير استفدت واايد أنا مودره الفيتامينات و فعلا شعري يتساقط وأيد و صار خفيف بس الحين بأخذها لين أفطم ولدي بإذن الله
جزاك الله خير باذنه تعالى كلامج صح مية بالمية انا بحملي الاول والثاني بعد الولادة بفترة بسيطة جدا اودر الفيتامينات وماشاء الله ارضع مدة زنة ولله الحمد ولا حظت تساقط والام مفاصل وكل اللي ذرتيه برد للفيتامينات شو تنصحيني اختيه شو نوع اللي تستخدمينه وكم كمية فاليوم مشكورة
فعلا نايمه عن الفيتامينات بس ببدأ آخذها من اليوم و أكرر يزاج الله ألف خير ذكرتيني بالفيتامينات
يزاج الله خير
الله يجزاك خير
وهذي الفتامين محتاجتهم الام اللي احملت اكثر من مره
مشكوره على التذكير