ممكن سيدات الإمارات المتميزات يتفضلن ،،، محتاجة مشورة

حبيبات قلبي بنات بلادي بنات الإمارات

محتاجة من خواتي الكريمات المشورة و تقديم النصح

لأني احس عمري دوخت و تبهدلت في الاختيار
من الوان و اشكال و تصاميم

(( لدرجة اني آخر شي قمت اقول للريال في المحل ايواهذا هذه جيب
هذا حلو .. هذا زين .. بس عشان افتك .. و ريلي يقولي لالالا مب حلو .. اختاري عدل ..
والله حسيت بدوخة ))

السالفة و مافيها .. اني رحت اشتري السيراميك و الادوات الصحية لملحقي الجديد في بيت عمي
بخبركن كل شي بالتفصيل .. عشان تكون الصورة واضحة للجميع .. طبعا عشان تفيدوني بنات

ملحقي عبارة عن غرفة نومي + غرفة نوم طفلتي الحلوة + صالة + مطبخ + غرفة خدامه و حمامها

غرفة نومي :
مفكرة اسويها بالوان الفوشي و السلفر .. و الابيض و الاسود

حمامي : اخترت سيرراميك اسود و ابيض

غرفة نوم بنتي :
طبعا انا بفرش غرفتي و غرفتها ..
حابة اسوي ورق جدران لغرفة بنتي بالوان طفولية و حلوة
بس مابغي صور حيوانات و لا افكر برسوم
ممكن اسوي في جهة وحدة رسم لمنظر طبيعي

الحمام : اخترته خلاص .. لون اصفر و اخضر و ابيض (( بشكل طفولي رائع ))
و فيه صور طفولية .. لبيض يتكسر .. و يطلع منه صوص

مطبخي :
اخترت لون حليبي + بني شوكلت (( عيبني وايد ))

لكن للاسف الريال قال لي مافي هذا عنده

اخترت واااايد اشكال و كله اما ما يعيب ريلي و لا يقولي ما فيه

آخر شي خليت الاختيار لريلي

و الله يستتتتتتتتتتتتتتتتتررررررررررررر

(( مع انه مووول ما يخصه فيي المطببخ ))

المهم ..

باجية الصالة .. للحين ماسويت فيها شي .. بس ابي اسويها بلون البيج و البني و هالالوان ..

احس فيها فخامة و رقة و جي

الحين خواتي .. خبروني شو رايكم بالالوان

ابي استفيد من تجاربكم

و عطوني ملاحظاتكم و اذا عندكم افكااار ياريت تخبرووووني

في انتظظااااااااااااركم