كيف الحال حبيباتي وزميلاتي بنات المنتدى؟
أخباركم كروشات المنتدى؟
الله يسهل عليكم وعلينا يا رب وتربون كلكم بالسلامة يا رب..
طبعا بغيت اسالكم: أكيد كل وحدة منكم متشرية حق البيبي اليدد من ثياب وغيره,, بغيت اسالكم
حد فيكم شرا كتاب Baby Record Book ولا؟
وااايد حلو هالكتاب تحطين فيها صورة البيبي واول ما ولد و جم وزنه ومنو اول واحد زاره وكذا
معلومات حلوة عقب بكون شرا الذكرى حقج ف اول ولادة لج بالبيبي ..
1) اللي أبغي اعرفه وين ممكن احصل هالكتاب هذا وبالمعلومات اللي فيه ؟
علما اني ما ابغي البوم للبيبي ابغي هالكتاب اللي اسجل فيه هالمعلومات من الوزن للطول
للناس اللي زاروه …….الخ
2) طلب الله لا يهينكم: أبغي منكم تحطون مسجات تبشير الولادة اللي توصلكم سواء ع البيبي مسن
ولا غيره واكيد واااااايد يوصلكم؟؟ ما ابغي هذا اللي ف جوجل ,, ابغي شي حلو ومميز واهم شي
يديد بليييييز؟
.
.
بانتظار ردودكم حبيات قلبي,, وبليز اللي ما يعرف ع الاقل يرفعلي الموضوع ولو بدعوة ان الله
يسهل ولادتي ويسرها علي يا رب..
ربي يحفظكم,, وهالله هالله بالردود
الله يسهل ولادتج ويسرها عليج يا رب
للرفع
اممم بالنسبه للكتاب ماعرف اذا نفسه بالضبظ بس يتحصلين في mamas and papas كتب من هالنوع
الغــاليــه اكيد بتحصلين ف محــلاآت اليهــآل المعــروفهـ ^^
مثل ماماز اند باباز ، مذركيز ، ادمز ، كارترز وغيرهمـ
والله الفكره وااااايد حبيتتتتتتها
حتى انا اريد بليز خبرونا من وين
حسيت نفسى توهقت يوم قالت لي ربيعتي أكتبي كلمة للبيبي
حسيت عمرى هبلة … شو بكتب للبيبي …
وحسيت خطي استوى مب حلو.. ماعرف كاني انحرجت …
وكم وحدة من ربييعاتي وراى يبن يقرن شو اكتب … وانا ماكنت مزهبة فكرة في بالي…