السلام عليكم ورحمة الله وبركاته
حبيت اكتب هالموضوع، عشان الكل يستفيد منه وانا اولكم
اماكن بيع مستلزمات الاشغال اليدويه، بكل الامارات
( الخيوط، الاصباغ، الخرز، قوالب الشمع، الكرتون المقوي الخ ………..)
واتمني الموضوع يكون مرجع للجميع، طبعا اي وحده عندها فكره او شغله جديده تخص
الموضوع ياريت تنذكر، واي وحده عندها استفسار بعد تكتبه وإن شاء الله الجميع يشاركون فيه
شكرا للجميع
مشكوره اختي على الموضوع
بصراحه انا كنت حابه اعرف وين احصل الالوان الخاصه بالفخار والزجاج والقماش
وضمغ الخشب، ومن فتره سألت بس للاسف محد رد عليه
وياريت يكون بالشارجه او بدبي،،، ويفضل الشارجه
واتمني احصل اجابه هالمره
وإن شاء الله الكل يشارك
ابوظبي ..
الغصن الأخضر – شارع حمدان في سيد حامد سنتر .. (( عريق صارله 20 سنه وهو يشتغل في هالمجال اسعار مناسبه واغلب الأشياء موجوده عنده سواءلشغل السيراميك للخياطه جميع الألوان للحرير للقماش للسيراميك للبورسيلان بترونات خياطه ورسم وغيره .. ))
مكتبة جرير – المينا .. (( في اغلب الأشياء حتى شغلات التصميم وما ذكر فوق بس اسعاره نوعا ما غاليه وفيه مصنوعات الخشب المضغوط MDF اللي تقدرين اتلونينها وتستفيدين منها ))
Craft Corner ركن الحرف اليدويه – العماره المقابله دوار المدفع ع الكورنيش جدام السوق الجديم .. عمارة مرطبات اللولو.. (( عندها اشياء حلوه تيب البضاعه من امريكا .. Scraping book – عندها كيت للأطفال لأشياء متنوعه ,, تعطي دورات قصيره … اللي بتروحلها ما بتندم … المفضله عندي خاصه لفن الديكوباج ))
آيس – المينا عدال تويز ار آس (( ما عنده اشياء وايد وشوي غالي بالنسبه لغيره ))
مشكورة الغاليه على هالموضوع المفيد و فعلا نحن محتاجين هالشيء
أنا أريد أعرف وين يبيعون باترونات الخياطه فالعين …
<<< يالسه أتعلم بروحي الخياطة بما أنه ما عندنا مكان نتعلم فيه بس محتاجه أعرف وين يبيعون الباتروونات … ^_^
دبي
صوب سوق الذهب
الشندغة
او سوق العبره سابقا
والسموحه عالقصور
مشكوره اختي زيتونه المشاركه
مشكوره اختي DesigneR StylisH على المعلومات القيمه
مشكوره اختي أم نهيان على المرور
مشكوره اختي بيضة الرامي على التفاعل
مشكوره اختي ¯`•.شوق_دبي¯`•. على المعلومه بس حبيبتي ما وضحتي شو اللى ممكن البنات ياخذونه من السوق اللى ذكرتيه
اللي أعرفه لأدوات الخياطه في دبي كيوتو-أزرار-الوشيعه واذا بالجمله سوق عكاظ وللرسم والأشغال اليدويه في مكتبة دبي للتوزيع .