-^*+ مطعم Manga Sushi الياباني +*^-

السلام عليكم ورحمة الله وبركاته
حبيت احط اليوم صور عن مطعم مانجا سوشي ……. ((( من تصويري طبعا ))))
المكان : بيتش بلازا …. الي فيه مطعم برج الحمام …مقابل حديقة شاطئ جميرا….
[IMG][/IMG]
……………………………
من حبي للمنجا واليابان ….حبيت اجرب هالمطعم …..والي يحبون الاشياء الغريبه والاكل الياباني والسوشي انصحهم فيه ….والي مايحبون الاكل البحري والربيان ما انصحهم فيه

الي عيبني ف المطعم انهم حاطين قصص( كتب ) المنجا اذا تحبين تقرين لين يوصل الطلب …وشي شاشة تلفزيون حاطين فروت باسكت ^_^ رسوم مشهور … وديزاين المطعم عجيب غريب والاضاءه حلوه
………………… الصور ………………….
المينيو …دفتر كبير …الواحد يحتار ف الطلب …. ع فكره اذا اخترتو سلطه ترا سلطاتهم كلها ربيان واخطبوط وبيض وسمج مدخن وكمن حبة عيش….مب خس وخيار وطماط
وخذو راحتكم وانتو تقرون ….مهم التركيز شو مكونات الاكله …بعدين بقولكم ليش
[IMG][/IMG]
………………

وبالنسبة للسلطه ….انا الذكيه يتراوالي اني قريت انه فيها خيار ,,, cucumber شوفو شو طلع فيها
فيها اخطبوط …ربيان مدخن وسلمون وسمج مقلي بالزنجبيل …ومشروم بصلصة الزنجبيل ..وبيض ..وتحت عيش
موول ماتشجعت اني آكلها ..خخخخخخخخخخخخخ بس غامرت …هذيل ترا سلطاتهم مب معناتها خس وطماط و زيتون مثل ما انتو تحيدون حتى السلطه بحريه 100 %
[IMG][/IMG]
……………………………..
عصيري …شاي اخضر بالاناناس البارد …مشروب تقليدي ..
[IMG][/IMG]
……………………………….
وايسكريم الشاي الاخضر التقليدي …. مشهور ف اليابان …جربته انا عيبني الصراحه كله ادور اكلاتهم الشعبيه المشهوره واطلبها …. ابا اجرب
[IMG][/IMG]
………………………………………….. …………
اتمنى اكون عطيتكم نبذه مختصره عن هالمطعم العجيب

واااااااااااااااااااااااااااااااااو

تلسمين الغالية ع التقرير

المشاركة الأصلية كتبت بواسطة دوده ومحوشه

واااااااااااااااااااااااااااااااااو

روووعة بصراحة

أنا شفته من فترة بس ما عرف ليش ما دخلته

تلسمين الغالية ع التقرير

^_^ اذا ماتحبين السوشي وربعه ما انصحج فيه
عفواااا ..نورتي موضوعي
الموضوع تعبانه عليه ليش التفاعل مب شي <_<

أنزين وين مكانه المطعم شهيتوني ولازم أسيره عن يطلع لي ربيان بالبيبي…

هع

شكلي بجربه ريلي تعيبه هالسوالف وأنا بعد بس هالسوشي مب مقتنعه فيه

بالعافية عليج