السلام عليكم ورحمة الله وبركاته
كيف حالكم يابنات عندي لكم طريقة كيكه طعمها خيال إن شاء الله بتعيبكم وبتعيب أهلكم وكل جيرانكم بعد هذا إذاتم منها شئ
ما بطول عليكم خذوا الطريقه وجربوها اليوم وإذا بتسوونها يوم ثاني بعد ما عليه بس لازم تجربونها لأنها صدق روعه .
الطريقه :
في الخلاط
( ثلاث بيضات ، قشطه ، كوب سكر ،نص كوب زيت ، فانيلا )
تخلطينهم زين( في الخلاط طبعا ) تقريبا عشر دقائق وبعدين تضفين لهم كوب طحين وملعقه وسط باكينغ باودر
تصبينهم في صينيه كبيره شوي تقريبا قطرها بيكون ثلاثين
وألحين دخليها الفرن
بعد ما تطلع تكونين مجهزه قطر وطريقته أربع أكواب ماء وثلاث ارباع الكوب سكر
تاخذين فنجان من هذا القطر وتصبينه على الكيكه اول ماتطلع
الطبقه الثانيه مكونه من
حليب مركز ست حبات جبن كيري وقشطه
اخلطيهم في الخلاط وصبي هذه الخلطه على الكيكه ودخليها الفرن مره أخرى لتحمر من فوق يعني بس شعلي العين الفوقيه من تحمر طلعيها وخليها تبرد وبعدين قطعيها وقدميها وبالهناء والشفاء .
يعطيج العافية اليوم بسويها ان شاء الله
مشكورة ام حصة حبيت اعرف مقدار الحليب المركز العلبة كبيرة او صغيرة
تسلمين غنـــــــاتي ع الوصفه الحلوه ..
الطريقه مفهومه و سهله ,,
باركـ الله فيــــــج ^_^
جزاكم الله خيرا ام سالم وشما وغلا على ردودكم الحلوه
بالنسبه لسؤال شما الحليب المركز العلبه الكبيره وسلامتكم
شكراااااااا على الكيكه الطيبه
تسلميين حبيبتي ع السويت الغاوي
ولا تحرمينا من يديدج