السلام عليكم ورحمة الله وبركاته
خلونا نشارك بعضنا وكل وحده تكتب تجربتها في يوم عرسها كيف لبست فستانها خصوصا اذا كان ثجيل؟ لبستي الفستان بروحج ولا بمساعدة حد من اهلج ؟ ولا أجرتيلج حريم فلبينيات يلبسونج ؟ يعني هل العروس تحتاج هذا الشي ولا مال داعي؟ 
انا عن نفسي عرسي عقب 8 ايام ومترددة ماعرف اييبلي فلبينيات يساعدوني ولا مب لازم..ولو بغيتهم من وين اقدر اييبهم؟ بليييييييز بنات بغيت ارقام حريم يأجرن فلبينيات للعرس
انتظر آراءكم ^_^
فديــتج مايحتاي فلبينيات .. خلي وحده من خواتج او خلاتج ولا امــج اتساعدج …
انا عرسي إن شاء الله شهر 10 .. واكيد بخلي حد يساعدني ماقدر بروحي ..
واحيد حرمة اخويه اتمكيجت في الفندق عند ساميه .. وهي الي ساعدتها ولبستها الفستان .. حليلهااا فيها خيــر ..
عادي حبيبتي اي احد من اهلج
انا كانت اختي العوده وخالتي وياي هم ساعوني ف اللبس
ومبرووووووووووكه مقدما
ما يحتاي تاجرين حد .. الي معاج من الاهل ولا حتي بشاكيركم بيساعدونج….
مايحتاي لفلبينيات
تراه لفستان اختي الله يوفجك
أنا صممت فستاني عند ازرا … والفلبينيات الي كانوا يساعدوني في المحل … يبتهم العرس
وايد أريح … ساعدوني وساعدوا خواتي بعد لان فستاتينهم من ازرا بعد … رتبوا فستاني وكانوا يايبين وياهم اوتي بخار احتياط … وابره وخيط لو أي شىء صار
في التصوير وفقوا ويايه يرتبون فستاني … ويوم يت بركب على درج الستيج في الزفه بعد ساعدوني … وتموا ويايه لين مايلست على الكرسي …
كانوا كله يراقبوني من بعيد لبعيد … يعني ماينحس فيهم وايد … لان أنا ماحب العروس الي الناس يلزقون فيها ويمشونها
وكانت خدمتهم أكثر من رائعة … وعموما يوم العرس اللكل يكون مشغول في حاله … ومحد متفيج للثاني … بتيبين حرمتين أريح لج واريح للجميع
انا اختي ساعدتني …خلي حدا من اهلك ما محتاج تأجري فلبينيات اختك مرت اخوك خالتك بنات خالتك بنات عمك …. الكل بيكون حابب يساعدك …..والله يتمم لك ع خير حبوبه.