مرحبا امهات
عندي سؤال.. ابا اعرف البيبي الصغير اللي تحت السنه
هل لازم عشان يرقد لازم يمص الصدر ؟ هل هذي عاده فكل اليهال يعني ولا ؟
لان بنتي يوم تبا ترقد (تكون شبعانه طبعا مرضعتنها من المرضعه وكل شي) بس ما ترقد لالالالالازم تمص صدري عشان ترقد …حت لو فيها رقااد وخلاص تبا تنام …ما تنام …تقااااوم ….وتصييييح تبا صدري ….حتى لو اهزها او امشي فيها …مافي فايده ..بتم تصيح وتصيييح وايد بالساعات لين تتعب وتنام من التعب …
هل هالشي طبيعي ؟ كل اليهال جيه؟
انا مابغي اعودها تمص صدري عشان تنام ! ابا تنام عادي اهزها او اغنيلها او اي شي غير انها تمص صدري ….و المشكله ان صدري ماااااافيه حليب …وما ابغيها تخليه مثل اللهايه ! لاني تعبت ويعور لما تمص وهو مافيه حليب …هذا غير انها تقوم في الليل بس تبا تمص …
وبعد ماقدر اخليها عند حد واسير مشوار …اتم تصيح وما ترقد لانها تبا صدري !! يتعبون لين يرقدونها
هذا غير اني اذا طلعت وياها مشوار في العربانه ومرضعتنها وكل شي …ويوم تبا ترقد …تسوي حفففففله …يعني ما تنام بروحها ..لازم ادووور مكان عشان اخليها تمص صدري وتنام …هل كل اليهال جيه؟
وابا اعرف كل وحده كيف ترقد البيبي ؟ شو طريقتكم؟
ورايكم هل عادي اعطيها صدري كل ما بغت تنام؟ ولا بتصير عندها عاده وبتعب بعدين يوم بتكبر؟؟؟؟؟
يليت تقولولي شووو اسوي
هيه صح ونسيت اقولكم …حتى ابوها مثلا تكون عنده اجازه وانا تعبانه او مريضه …يقول لي نامي وانا برقدها …اعطيها حليب واشبعها وابدل لها بامبرز وكل شي …واعطيه اياها عشان يرقدها لانها تكون خلاص تبا تررقد…اييبها لي عقب ساعه يقول ما رمت عليها ! ما طاعت ترقد ! مع انه يحاول وياها بكل الطرق …بس ماشي فايده …مزاجها يكون متععععكر ….لازم تمص صدري وعقب بترقد
بس يختي صدرج بيترهل اذا تمصه ومافيه حليب .. ماشي غير انج تعطينها ملهيه مع اني مااحبها
بس شوي شوي لين تتعود والله يحفظهااا لكم 
مشكوره حبيبتي ويحفظ لج عيالج يارب
جربت الملهيه ماااا تباها خير شر >_<
والله يا اختي انا نفس الحالة ولدي كمل ثمن شهور وللحين مايرضى ينام غير على صدري وريلي كله ينازعني ويقولي انتي عودتيه كيف عودته انا ما اعرف الصراحة
كلناا جذيه
الله يباركلنا فيهم
الله يعينج