خواتي الغاليات اكيد ما يخلي بيت من مراهق سواء كان اخ او اخت اوابن اوابنه في مراهقة تمر بسلام وفي مراهقة متعبة
حبيت في هذا الموضوع نتناقش في مشاكل مراهقينا ونتبادل الخبرات والتجارب اللي حصلت في حياتنا
يعني اللي عدها حلول او مشكله او موضوع قرته مفيد تحطلنا ياه وان شاء الله الكل يستفيد
ابصراحه موضوووووع مهم بس ماعندي مراهقين
انا عيالي بعدهم صغار اكبر واحد 6 سنوات بس افكر كيف بتصرف وياهم في سن المراهقه
وبتابع موضوعج
للرفع
المشاركة الأصلية كتبت بواسطة ام سعووود^_^ 
انا عيالي بعدهم صغار اكبر واحد 6 سنوات بس افكر كيف بتصرف وياهم في سن المراهقه
وبتابع موضوعج
يا هلا ام سعود حياج وان شاء الله نستفيد من الحوار
رفع الله قدرك اختي ليمونة حلوة
طبعا ما حبيت يكون الموضوع مجرد تعريفات لان الاغلبية مارة عليهم التعريفات التغيرات الفسيلوجية التي تصاحب فترة المراهقه وما حبيت الموضوع يكون مجرد موضوع تعبير
اول موضوع حبيت اخذ خبرات الخوات من اي سن نعطي المراهق الجوال
اللي الاحظه ان وايد من الاهالي يعطون بناتهم واولادهم الجوال في سن صغيرة
يا ترى كيف نتصرف معاهم اذا طلبوا وقارنوا نفسهم برباعتهم
انا ولدي عمره 9 وشوي يعني في طريجه للمراهقة يلح على طلب الموبايل
السلام عليكم .. اسمحوا لي بالمشاركه لأن الموضوع يستحق إنا نتكلم فيه ونستفيد .. والشكر للاخت عبويه لهذا الطرح الهادف ..
بالنسبه للنقطه اللي تفضلتي فيها .. انا ولدي الكبير عمره 12 سنه .. عطيناه مبايل العام الماضي .. طبعا أنا ما كنت مقتنعه فالبدايه .. لكن رضيت لاني ما أباه يكون أقل عن ربعه.. وفعلا الحين حسيت بأهمية المبايل لما أطلع مكان وهو واخوانه فالبيت أو هو يطلع .. اطمن عليهم..
أما البنت وهي أكبر منه بس للحين ما عطيناها مبايل وبصراحه مب ناويه أعطيها .. الا يوم تكبر وتروح الجامعه .. لا تقولون انفرق بين البنت والولد .. لا والله بس بنتي اقتنعت بالموضوع وفهمتها شو الهدف من المبايل .. والحمد لله
السلام عليكم و رحمة الله و بركاته
فالبدايه اشكركم ع هالموضوع،، بالنسبه لي انا عندي مشكله مع أختي اللي عمرها الحين 13 سنه
المصيبه ان كل ما ييت ارمسها او انصحها تبدأ تصارخ و ما تبي تسمع شيء و احاول معاها مره و مرتين لين مرة الثالثه لين ما هيه تعصبني و امد ايدي عليها ،، و تبدأ هيه بصراخ و صياااح حاولت كذا مرة اني امسك نفسي بس هيه تخليني اني اضربها،، ابي افهمها بيها تقرب مني بس مب عارفه كيف و الله حاولت معها بكذا طريقة (اشتري لها شراتي او اي شيء بخاطرها، اقولها خليني نكون اصدقاء، اخليها ترمس ربيعاتي) بس المشكله و الي هيه مصيبه ما تبى تسمع مني و لا شيء
الله يخليكم ابي نصيحتكم بهالمشكلة
و السموحه منكن