فريكة مفلفة مع الدجاج المشوي يمي يمي

بتعرفوها؟

هاي اكلة منتشرة اكتر في بلاد الشام و خاصة سوريا و لبنان و بعملوها على لحمة موزات

انا بحبها اكتر من الجاج و يا سلام لو كان في شوية سمنة بلدية

هاي شوية صور من النت

وكمان شوي بحطلكم طريقة التحضير مصورة و الفريكة من تحت ايدي

اذا حبيتوها استنوني شوي

بس بجهزكم هههه

الي بتحب تقرا والي ما بتحب تستناني شوي انزلكم الطريقة

الفريكة هي حبوب القمح الخضراء (القمح الأخضر) قبل جفافها تحصد سنابلها وهي خضراء وتعرض للحرارة عن طرق حرقها، ثم تجرش لتكون مثل البرغل, وتطبخ كما يطبخ البرغل على ماء اللحم وتوضع فوقها قطع اللحم الكبيرة. تؤكل عادة مع اللبن.

تعرف الفريكة (في المنطقة الشمالية) من العراق بالقرة خرمان.

على العموم هاي الطريقة اذا حد بحب يجرب!!

المكونات :
كاستين فريكة
جاج مقطع

معلقة زيت للطبيخ ( و ممكن سمنة بتعطي طعم اطيب)

بهارات لسلق الجاج

بصلة مقطعة مكعبات
و صنوبر و لوز للتزيين

اول شي بسلق الجاج بعد التنظيف مع البصل و بستنى عشان اشيل الزفر منو

بعدين بضيف البهارات التالية :

ورق غار ، هيل حب ، قرفة عيدان ، ملح ، فلفل اسود، زنجبيل مطحون ولومي ( حسب الرغبة)

بعد اضافة البهارات :

و بترك الجاج ليستوي و ببدا انظف الفريكة

اهم شي تنغسل كتير منيح لانو كتير بتكون مغبرة و بنقبها قبل ما اغسلها اذا كانت فيها شوائب او حجار صغيرة

بعد ما يستوي الجاج بشيلو من الماي و بنقع الفريكة لمدة ساعة او ساعتين بمية الجاج

لكل كاسة ونص فريكة بدك كاسة ماء الجاج

بعد ساعتين بصقي الفريكة و ما تكبي المي
بحط معلقة سمنة بالطنجرة و بدوبها و بضيف عليها الفريكة و بقلبها كتير منيح عشان كلها تتبل بالسمنة
وبعدين بضيف ماء الجا جعلى الفريكة ( تغمرها بمقدار سم) او زي ما بتطبخي الرز

و بستنى عليها لتنشف المي عنها

و لما تتستوي بحطها بصحن التقديم و فوقها المكسرات و الجاج المشوي

و صورة عن قريب للفريكة :

وسوري اذا الصور مو واضحة كنت بصور من كاميرا الموبايل