ضاق صدري وعيوني تعورني

هلا بنات شخباركم عساكم بخير؟
انا اليوم هم الدنيا فيني وضايق صدري وعن جد احس اني ما اقدر افتح عيوني من كثر البكي
تعب خلااااص والله العظيم وربي شاهد لو مب اني حامل جان ما ادري شو بسوي بعمري راسي بينفجر
بقولكم السالفه يمكن ارتاح شوي انا حياتي مب ناقصني فيه شي غير رضا ربي عني وعني عايلتي هذا اللي اريده وبس بس امور الدنيا لازم تاثر باي شخص فينا ولو حاول قد ما يقدر انه يتجاهلها صح ولا شو رايكم ؟؟
مافي ولا وحده فيكم ترضى ان اي حد على هذي الارض يغلط عليه فكيف لو غلط على اعز الناس لج بكلام سخيف وتافه وعياره والتقليل من شان امج وابوج شو بيكون موقفج وانتي ما تقدرين تقولين شي غير السكوت بسبب كبر سن قائل هالكلام ؟؟واتمين ساكته وبقلبج قهر ما يعلم به غير ربج انا ما اريد احدد منو ؟؟؟ واللي اكرهه ان هالشخص يوم يعايرني يعاير جدام الموجودين عادي؟
بس عن جد يا بنات دايما هالشخص يعايرني بوالديني ويغلط عليهم وانا ارد البيت وتاصيح من خاطري
واحس اني بموت من كثر ما اسكت تعبت شو اسوي
انا ادري ان مالي غير ربي لا اله الا انت سبحانك اني كنت من الظالمين