شو هي الخلطات اللي استخدمتوها من المنتدى وفادتكم ؟!

للحين جربت 3 خلطات لبشرتي وكل وحده أحلى من الثانيه وبشرتي صارت حلوووه واايد بس العيب الوحيد إنها صارت جافه

بس اهم شي انه البقع والحبوب بدت تخف بشكل كبير وملحووووظ

ومن زود وناستي قلت بحط الخلطات اللي فادتني وطبعا كلها طبيعيه 100%بس اسمحولي مب حافظه اسماء البنات اللي كتبوا الخلطات

1-
أول خلطه اللي هي عباره عن نعناع وروب..

الصراحه رووووووعه تخلي البشره ملمسها ناااعم وهي توضع لمدة ربع ساعه

2-

شوفان+حليب بودره+عصير ليمونه+ماي ورد

اخليها ليما تجف على بشرتي وهالخلطه احسها خففت من البقع والحبووب بشكل كبيييير

3-
وآخر شي جربته البارحه وأحس مفعوله بعد حلوو

بياض بيضه تكون حرارتها بنفس درجة حرارة الغرفه+وعصير ليمونه +شوفان

.
.
.

واحين يبت ورقه وقلم لكذا خلطه ابا اسويها وان شاء الله يوم اشوف مفعولهن ع بشرتي اخبركم عنهن

واتمنى كل وحده تخبرنا عن اي خلطه استخدمت وشو التغيرات اللي حستها

وان شاء الله تصير بشرتنا كلنا صاافيه خاليه من العيوووب