السلام عليكم و رحمة الله وبركاته
خواتي منو تعرف طريقة العيش الإيراني بالشبت ؟؟؟
و من وين نشتري الزراش ( الحب الأحمر إلي مثل الرمان المجفف ) ؟؟
هلا الغالية الزريش تلقينه في سوق الايرانية على البحر في الشارجه وين صوب مركز سارة جنب مركز الفنون ما اعرف شو هاللي فيه فنون ورسم..
هلا الغاليه بالنسبه لطريقه العيش بالشبنت فديتج وايد سهل طريقة العيش الايراني
سويه نفس ما اقول لج
العيش تغسلينه قبل ما تطبخينه بـ نص ساعه وتخلينه منقوع
عقب نص ساعه تفورين الماي وحزة ما تبين تحطين العيش بالماي حطي الملح
وليمه تشوفين العيش طبخ نص ونص حطي الشبنت يعني شده ونص وافرميهاا وايد
وحطيه على العيش وحركيه وعقب يالغلا يوم يستوي العيش شخليه وغسليه بالماي البارد
وشقري بصل بالزيت وحطي عليه استكانه جاي ماي خلطيه بالزيت والبصل
ويوم تحطين العيش بالجدر صبي الزيت والماي والبصل فوقه وسكريه بالالمنيوم
وخليه يتخدر تقريبا ساعه والا لحد ماتشوفين العيش تبخر والريحه فاحت وبالعافيه
اما بالنسبه لزرشك يالغلا بالعاده يحطونه على زيت ويتشوح قليل مع شويه كركم
والاحسن يكون العيش ابيض ووقت التقديم تزينيه بالزرشك وعليه دياي
بالعافيه جربي وادعيلي يالغلا
ماقصرن البنات