هلا خواتي حبيت استفسر من اللي جربن الطلق الصناعي لاني الدكتورة قالتلي لازم اخده يوم الاحد لاني حالتي الصحية والسكر ما تسمحلي اكمل شهري والرحم فاتح 2سم وفيني تقلصات بس مب منتظمه ؟؟ وانا ولادتي السابقة كانت طلق طبيعي وما اعرف شو الطلق الصناعي وشو اثاره ""فبسالكن
باي اسبوع يسوون طلق صناعي؟؟؟
وهل ياثر علي البيبي؟؟
وكم من الوقت ياخد لين ما اربي باذن الله ؟؟؟
ربي يوفقكن ويتتم حملكن ويرزق كل محرومه يااااارب <<<
أنا شراتج ,,, بيسوون لي تحفيز ولاده عشان السكر ,,, و وايد خايفه تتعسر الولاده ,,,,
الله يسهل علينا انشالله,,,
المشاركة الأصلية كتبت بواسطة أم عـفـاري 
الله يسهل علينا انشالله,,,
هلا اختي ""باي اسبوع قالولج راح يسوون التحفيز؟؟
الله يسهل عليكم وييسر اموركم
هلا ام رشوود وربي يسهل عليييييييييج ياربي
الطلق الصناعي عذااااااب عالفاضي ؟؟ كارهتنه والله
والله الطلق الطبيعي اهوون بوااااااااااايد
المهم انا اللي فيني سوكري حمل وطوفت موعدي ودشيت العاشررر باسبووع ماستوالي شي
والحمدالله .. بس بالاخير عطوني طلق صناعي والله مااقص عليج عذاااب
المهم انا عطوني بالوريد منساعه 6 الصبح الين الساعه 12 الظهر ربيت
يعني 7 ساعاات اتعذب انا خخخخ بس ماانقهرت الا يوم جيكو كم سانتي مفتوح
عالساعه 9 وقالو بس 2 سنتي يعني مرقده يومين فالمستشفى ومع الطلق صناعي
بس 2 سنتي والله اني يلست اعصب واتحرطم وابا قيصري خخخخخخخخ
مع هالتحرطييييييييييييييييييييييييييييييم فتح الرحم بسرعه خخخخخخخ
المهم من تجربتي الطلق زفت بس مجبوريييييييين ناخده يختي
وانتي جربيييييييييييي وانشالله اتربين بسرررررعه بس لاتخليهم يعطونج التحميل موشي
بالورييييييييييييد اهون وارحمممممممممممممممممممممممممممممم
انا خذت طلق صناعي فى اول حمل
لحس انه صعب بس مب لدرجة انج ما تستحملينه
هو جيه الولاده كلها صعبه فتره وتعدي
الله ايسهل عليج
الغاليه اكيد الطلق الصناعي مب مثل الولاده الطبيعيه وهي اكثر الم وهي تكون على نوعين ابر او تحاميل وانا امجربه الاثنين وتبين الصدق انتي وحضج في بعض الناس بفتح عندهم من بعد ساعه وبعضهم يتاخر اكثر وهذا حالي والله ايعينج وعن التحاميل يعطونج على ثلاث دفعات وانتي وحظج بعد والله ايسهل عليج ولادتج واتربين بالسلامه