السلام عليكم و رحمة الله وبركاته
خواتي،
انا ناوية اعدل حجرتيه ،
وهذا اللي في بالي حاليا /
الارضية — خاطريه اسويها باركيه بس لون فاتح ، قريب ع البيج
الجدران — خاطريه في ورق جدران ، وابي اختار نقشتين ، يعني ما بسوي نقش واحد للحجرة كلها
الاثاث — ابي تغيير شامل ! .. خاطري في اثاث ملون بس ماعرف وين بحصل ، يعني مابا بني او بني محروق، خاطري في اخضر ازرق وردي .. شي جي !
اما السقف ما اعتقد بسوي فيه شي مع ان واايد في خاطري
المطلوب الحين ، اقتراحاتكم بخصوص ترتيبي؟؟
شو تنصحون اخلي .. وشو تنصحون أغير ؟!
شو اقتراحاتكم بخصوص الالوان ؟!
و وين تنصحوني اروح لمحلات و غيره ، خصوصا اني من العين
قصدي من وين اخذ الباركيه ، من وين الاثاث ، من وين الورق ؟
واسمحوولي ع الازعاج 
شاكرة جهودكم مقدما
انصحج بهالالوان الفوشي والبنفسج والاخضر روووعه وخلي خلفية السرير لون مختلف عن باقي الجدران
وانشالله بنات العين يفيدونج باسامي المحلات
موفقه ان شاء الله
up
up
up
السلاام عليكم ورحمة الله وبركاااته
حبيبتي عندج الباركيه بتحصلينه بالتنين بدبي
و اقترح عليج الرمااادي واااااايد راااقي ..
و السرير ممكن تختارين السيلفر لنه دارج هالفترة ..
أو تفصلين لج سرير عند نجار و تخلينه يصبغه باللون اللي تبغين لكن للأسف ماراح
يبدع لج فيه ..
اللون الابيض حلو ما ينمل بعد و يفضل حديد مشغوول وانا شفت منه فإيكيا ..
بالنسبة للجدران و اللي بيركب على الارضية الرمادي عندج هالالوان :
الازرق البحري
لوحابة الأسود
العناابي
البنفسجي
لكن كل هالالوان لازم تكووون غاامقة جدا و طبعا مب كل الجدار
يعني مثلا ورق الجدران ممكن تسوينه على شكل اعمدة بنفس عرض الروول
ولازم تكون ورق الجدران محددة بالفضي ..سيلفر ..!!
تقدرين تحصلين عند نفس محلاات الورق اقمشة بنفس النقشة
وتسوين منها ..ستارة + كنبة صغيرة تحطينها بزااوية أو عند مؤخرة السرير
بخصوص الالوان اقترح البيج واللبنى الفاتح
بخصوص الخطوات اول شي
حددى طلباتك بالظبط
اختارى من صور او كتالوجات اقرب ديزاين تحبيه
وبعدها اسالي عن الاماكن والاسعار
ثم حددى الضرورى والغى الكماليات