بسم الله الرحمن الرحيم ..
شحالكن يا الإمهات والمتآخرات عن الحمل – إمهات مستقبلا إن شاء الله –
راح أبدا بالموضوع ..أنا مر على زواجي 7 شهور ..
وحملت وسقطت قبل شهر ونص ..يعني سقطت في الشهر الثاني من حملي ..
والسبب والله أعلم إني شاكه في " العسل " ..
لأني في ذيك اليوم كثرت وااايد على الفطور من العسل ..وناسية إني حامل
وكنت أسمع أمي تقول لي بأنه – العسل – مو زين للحامل ..وما أهتميت بالموضوع ..سبحان الله ..قدر الله ..
المشكلة إن بعد سقوطي صارت تجيلي إلتهابات ومدري وشو في الرحم ..
وزوجي حسيته متآثر وااايد بسالفة الإجهاض .. كأنه صار على زواجنا 15 سنة ولا 20 سنه من تأخر الحمل ..
والمدة ما تجاوزت 7 شهور ..
حبيت بس أفضفض إلي فيني ..
"والله يبعد عنكن كل مكروه يارب "
الله يفرج همج أختيه..
والله يعوضج خير ان شاءالله
( وعسى أن تكرهوا شيئاً وهو خير لكم )
الله يعوضج خير حبيبتي
ولا تفكرين يمكن ريلج يقول جي من كثر لهفته على ياهل يملي عليكم البيت
ويمكن من العسل ولا غيره بس هو ترا كان مكتوب بس سوي تحاليل اسقاط احتياط
take it easy
انا تقريبا 2 دفناهم
حبيبتي هاي الدنيا
الله يصبرج ويصبر كل مسلم ومسلمه
وومصيرج بتحملين وبتيبين اجمل بيبي
تحياتي
الله يعوضج خير الغاليه …
ولا تشيلين هم ريلج ترى الريايل مرات فيهم دفاشه و ما يعرفون يعبرون عن مشاعرهم ^^
بس اعذريه اكيد من لهفته يبا ياهل ز…. بس دام توج اجهضتي اصبري اشوي على عمرج وريحي جسمج و اذا ريلج واااايد مستعيل خل يراكض فيج المستشفيات ولكن اراده الله فوق كل شي ويوم الله بيكتب بيرزقكم ان شاء الله …
ان شاء الله تحملين جريب وادعيلنا نحن بعد ^^
نصيحه ابدي اشربي الميراميه لاني من كثر ما قريت عنها ناويه من تييني الدوره بطيييييييح فيها ^^
الله يعوضج خير.. أنا كملت ع زواجي سنة للحين ما حملت الله كريم يا الغالية..
المهم لا تفكرين ولا تضايجين قدر الله وما شااء فعل…..
دعوااااااااتج
تحياتي للجميع أم زيود الحلوة..
الله يعوضج حبيبي ولا ترمسين هاي الرمسه دوم قولي قدر الله وماشاء فعل خلق الله تاخذ حبوب عشان ايطيح وما يطيح كل شي بيد رب العالمين مالج نصيب فيه وانشالله يعوض خير عنه ويجعله شفيع لج ولزوجج
واستانسوا بحياتكم باجر بتحملين انشالله وبتلوع جبدكم من صياح اليهال