السلام عليكم…
بنات بغيت أسألكم عن الولادة في هالمستشفى اذا وحدة مجربة من فترة
حصلت مواضيع قديمة بس ماشي مواضيع يديدة عن الولادة في المستشفى الكندي اللي في دبي
شو خبراتكم وشو الدكاترة عندهم؟!
أختي ربت عندهم من سبع شهور تقريبا وتمدحهم ..
والدكتوره العراقيه اللي كانت تراجع عندها بعد زينه
انا ماجربت الولاده عندهم بس كنت أراجع عند الدكتورة فيدان وهي عراقية وشاطرة
ومخططه اربي عندهم اذا كان شي وقت أوصل عندهم بسرعة ..
واذا مالي نصيب بربي باْذن الله عند الدكتورة جوان مراد
انا اراجع عند الدكتورة فيدان العراقيه عندهم وايد حبوبه وطيبه وحنونه ، المستشفى نظيف جدا والاهتمام وايد زين … افكر اربي عندهم او القرهود
نزلت نفس الموضوع بس محد رد علي انا اختي بتجي من عمان علشان تولد ف الكندي قيصري وهي خايفة كثييير لان بداية صار عندها الالم ف العين والراس والحين صار عندها زغللة ف العين وقالوا لها من ارتفاع هرمون الحليب صار كذا ونحن اول مرة نسمع بكذا والحين هي خايفة وخافت مايصير عندها مضاعفات او يقولون فيك لاسمح الله ورم ويوميا تبكي فياريت احد يطمننا واذا احد تعرف رقم الدكتورة العراقية علشان اتصل فيها واشرح لها حالة اختي لان حالة اختي ماتتحمل احد يقولها شي قدامها واسمحيلي صاحبة الموضوع
المشاركة الأصلية كتبت بواسطة وكفى بالله 
الله يشفيها ويقومها بالسلامة ان شاء الله
اختي اذا انتي موجودة في دبي روحي المستشفى وكلمي الدكتورة شخصيا احسن
تسلمين ياحرم الحوسني وان شاء بقابل الدكتورة ودعواتكمً