السلام عليكم ورحمة الله وبركاته…
خواتي انا راسي عورني من التفكير..أنا معرسه في شهر 3…وآخر مره يتني الدوره في تاريخ 73 يعني قبل عرسي تقريبا بعشر أيام..المهم أنا بعد شهر تقريبا من العرس سويت فحص الحمل والحمدلله طلعت حامل وعأساس معطايه موعد ولادتي في شهر 12..بس من شهر تقريبا كل ماروح للدكتوره تقولي انتي في الثامن وولادتج بتكون فس شهر 11 وانا اقولها كيف تعاملني بأرف وتقولي انا بس اصدق الجهاز وتطالعني بنظره..خواتي انا الحمدلله على خلق ودين والحمدلله ربي العالمين حافظه لكتاب ربي وعارفه ديني زين وانا حاليا بحاله نفسية زفت بسبب هالشي كيف يصير جذه وانا واثقه اني مستحيل لكون بالثامن؟؟؟ وكيف ولادتي بتجدم شهر؟؟؟؟ انا رحت لدكتوره ثانيه وقالت لي نفس الكلام؟؟ الجهاز يقول جيه؟؟ حتى ريلي احسه بدا يشك فيني؟؟؟؟ قولوي هل الجهاز يخطأ ولا لأ؟؟
مادري والله بس المعروف ويقولون ان الجهاز هو الصح.
انتي تأكدي اكثر وان شاء الله تربين في الشهر التاسع اهم شي جانه شهر 11 ولا 12
مشكوره اختي عالرد..أنا خايفة يكون ولدي فيه شي لاسمح الله..انا متأكده اني في السابع الغالية بس شو اسوي الله كريم..انتظلا ردودكم خواتي
اختي بالعقل ريلج الله يهديه لو فكر فالسالفه بيعرف انه ظالمنج
واذ تبيني اتكلم بصراااحه ليله دخلتج اكيد عرف انج بنيه وفهمج كفايه
فماله داعي الشك وبعدين انتي حسبي ع التاريخ الهجري اضبط
والدكاتره ايزيدون اسبوعين لانه ما يعرفون متي صار الحمل
اهلا الغالية هو اتأكد وشاف بعينه اني الحمدلله بنت بنوت وعارف اني مب ان اي نوع بس كلام الدكتوره واسلوبها الزفت ونظراتها لي خلاه يفكر شوي بس هو دايما يطمني ويقولي انه واثق فيني وماعلي من كلام الدكاتره بس بعد مب قادره
المشاركة الأصلية كتبت بواسطة الغلا انته 
انا لو امووووت ما اتعامل مع ها النوعيه من الدكاتره
انصحج اتغيرين الدكتورة لانه اهم شي تكون نفسيتج مرتاحة من الدكتورة اللي تراجعين عندها
بعدين انا حسبت لج من تاريخ دورتج وحصلته انه موعد ولادتج تاريخ 12/12 يعني بتكونين مخلصه
(40 اسبوع=9 شهور كاملين) وانتي الحين في الاسبوع 28 يعني في السابع