السلام عليكم ورحمة الله وبركاته ،،
انا عندي مشكله ومب عارفه شو هي بالضبط ومافيني اسير عياده
كل ما آكل فواكه اتحسس منها ويهي ينتفخ واحمرار وحساسيه
قبل كنت اكل التفاح الاخضر عادي الحين اكله ويحسسني !
و جي من كم يوم كلت عنب و مانجا ونفس الشي صارلي
كل هالانواع ماكانت تسببلي شي والحين صرت اخاف اني اكل حتى
صدق صار عندي خوف انه يحسسني فصرت اتجنب الفواكه كلها !
منو تعرف حد مثلي صارله هالشي وشو ممكن يكون السبب ؟
اختي نحن يمكن ما عندنا خبرة فهالموضوع
انا مشكلتي ويا الفواكه اخف شوي
ما اقدر اكل كل الفواكه خصوصا البرتقال و الاناناس
لانه لساني ع طول يتقطع ويعورني
فـ لازم تستشيرين دكتور عشان تتأكدين يالعيازة هههههههههه <<<اسولف وياج
من موضوع الحساسية والله يعافيج يارب
هههههههههههههههه خذي راحتج ياعمري ،،
شاسوي يابوج والله على قولتج عيازه
خل نشوف اذا مالقيت رد بسير للدكتوره خلاص
مثل ماقالت الاخت ، صعب نفيدج ها موضوع يخص صحتج
الافضل تروحين لدكتوره
ربي يريح بالج :***
سلامتج غاليتي أم فهودي
غريب الموضوع الصراحة ونفس ماقالو الخوات سيري الطبيب لازم تعرفي شو سبب التحسس
حرام والله الفواكه شي مهم في أكلنا اليومي
وطمنينا عنج حبيبتي
تسلمون حبيباتي انتن والله ،،
والشر ماييكم ان شاءالله يارب 
خل نشوف البقيه بس اكيد بسير العياده
بس انا صراحه اشوف اللي يستوي مب طبيعي
فجاه جي صرت اتحسس من انواع كنت اكلها عادي ،،
انا أتحسس من الكيوي فقط أحس حلقي وأذني كلها تعورني مثل الشوك لذلك ابتعد عن الكيوي
سلامتك حبيبتي الأفضل شوفي طبيب مختص .