السلام عليكم بنات وحريم منتدانا الغالي
اليوم انا حابة اطرح موضوع الغشوه او الغشاية
يعني حق البنات اللي فبيت اهلكن تتغشن يوم تظهرن مع ابوكن؟
ومع اخوانكم؟
وانتو المعرسات تتغشن.؟
ومتى انفرضت الغشوه عليكم؟
اقصد من لبستي العباه ؟
ول من انخطبتي؟
ول ملجتي؟
ول يوم عرستي
ممكن تتفاعلون ويايه
انا عن نفسي يوم كنت فبيت باباتي كنت ما اتغشى
ويوم كنت اظهر مع اخوية يخليني اتغشى حكم يخاف يشوف ربعه وجذه
ويوم عرست كنت اتحرا ريلي عادي عنده اذا ما اتغشى ====> للعلم انما ما اتبرج ومحجبة
طلع العن عن اخوية
لازم اتغشى الا يوم كنت حامل ما خلاني اتغشى
لاني تكربعت وانسدحت فالشارع
اتمنى تفاعلكن ويايه
أختي انا بصراحة خالتي تسوي غشايات لكن غشاياتها شفافة شوي..و كنت قبل الزواج ألبس …لكن يوم تزوجت ريلي شاف غشايتي و انصدم قال شو هذا …ويهج كامل يبين ..عقب شرالي غشاية من السعودية ب100 درهم و هي ثلاث طبقات و بعد شرالي نقاب خخخ…بس الحمدالله تعودت الحين ..يعني ألبس نقاب و عقبها الغشاية و اخلي طبقة وحدة ..أمااذا ما لبست نقاب أخلي طبقتين ..بس والله واايد أتعب و خصوصا أنا حامل نفسج ..بس ياللله تعودت …بس والله أفضل لج تتغشين ..
هذيل هم الريايل
لا حبيبتي انا مب حامل
اقصد فموضوعي يوم كنت حامل هذا الكلام من سنتين واحين عندي توام بناتي ربي يحفظهم
أنا أتغشى و أتنقب قبل و بعد الزواج
اشكر مرورج اختي class lady
انا عن نفسي اتنقب واتغشى والحمدلله
في بيت اهلي = ما كنت اتغشى .. ( مع الإحتفاظ بالحجاب الحق وعدم التبرج ) .gif "12 (36)")
في العمل = ما كنت اتغشى .. نظراً لسيادة المجتمع النسائي .gif "12 (43)")
( رغم تواجد القليل من الرجال هناك )
بعد الزواج = اتغشى في الأماكن الزدحمه المكتظة بالرجال ..gif "12 (53)")
.
رأيي الخاص:
لا امانع من وضع أي نوع من انواع الغشوه ..
على أن يكون جيد التهويه وحسن المظهر ..
والستر زين 