خواتي عندي سؤال العروس ليله عرسها لازم تحط مناكير عنابي مع الحنا والا بس تسوي فرنش واذا سوت كيف يكون عندها وقت وتمسح اظافيرها للصلاه والا ما تحط شي لان هالسؤال في بالي ممكن تفيدوني
عادي اختييه ما فيها شي..
اتسوي مناكير..
واول ما توصل الفندق ولا البيت..
اتييب ( الأسيتون ) _ مزيل المناكير _ وتبدأ تشل المناكير عن أظافرها.. لنه مايجوز تصلي وهي محطية مناكير.. ما يوصل الماي..!!
وفي بنات يحطن.. أظافر صناعية.. وأنا قريت إنه مب زين.. لنه يعتبر من الوصل المنهي عنه..!!!
الطريقة جداً سهلة.. عادي حطي.. وكوني على وضوء يوم عرسج.. واول ما تردون… في نفس الوقت اللي تشلين فيه المكياج وتسبحين شعرج.. عادي.. شلي المناكير بالأسيتون.. وللعلم يبيعونه في الصيدليات ..
والله يوفقج 
عادي فديتج انا حطيت مناكيرليلة عرسي اهم شي خلي الاستون في الشنطه وع طول خوزيه يوم يخلص العرس
فديتج بتحصلين مناكير اسلامية
اللي اتخوز بسرعة
هيه مثل ما قالوا لج خذي وياج الاستون ومسحيه على طول
بس بانسبه للمناكير االاسلامي ما انصحج فيه .. لانه يروح بسرعه يعني ممكن انه يروووووح اذا احتكت اضافرج باي شي ..
والسموحه منج
تسلمون حبيبات قلبي كفيتو ووفيتو ما قصرتو على الافاده