السلام عليكم
بنات شو الفرق بالضبط بين السونار العادي و الرباعي؟
انا فالاسبوع السادس و ابا اسوي سونار رباعي اطمن على الجنين
لان قالولي لا فيه نبض ولا ينمو
عطوني اسم عياده شاطره ف عيمان ولا الشارجه عندهم سونار رباعي
و اسعارهم معقوله
بلييز
للرفع
اتريي لين الاسبوع السابع او الثامن ..لان النبض نصهم مايبين الحين..
اختي السونار الرباعي يصورلك الجنين كانه ثلاثي الابعاد وبتشوفي تفاصيل الوجه اكثر …..
اما السونار العادي ما بتشوفي تفاصيل الوجه …..
والسونار الرباعي بيكون اغلى
الله يثبتلك ياه يا رب …. ممكن تعملي السونار العادي حيبتي … حيبينلك كل شي وبدري عالسونار الرباعي …… لان النونو كتيير صغير يعني عالفاضي حيكون
ماينفع الرباعي الغاليه مابيبين اي شي
انتري شوي لين الأسبوع التاسع وبيبين كل شي انا جي صارلي كله يقولولي ماشي جنين بس كيس بعدين ماشي نبض وفالأسبوع التاسع بين كل شي
عزيزتي،
انا سويت سونار في الاسبوع السادس وماكان في نبض
عدت الكرة في الاسبوع السابع والحمد لله في نبض
والسونار العادي يبين بس انتي استعجلتي ويمكن يكون حسابج للحمل غلط يعني ممكن يكون اصغر
واللي اعرفه الرباعي يسونا عشان الأم تاخذ صورة الطفل لأن شكل وجهه يبين وتحتفظين فيه كذكرى
بس ماتقدرين اتسوينه الحين ماراح يفيدج بشي يسونه في الثلث الأخير من الحمل
الخلاصة انتظري بعد اسبوع سوي السونار العادي واذا العيادة اللي تروحيلها جهازهم قديم خليهم وروحي مستشفى او عيادة احدث
بنات افهموني
انا ادري النبض عادي يتاخر
انا ابا اتاكد على نموووه
حطو نفسكم مكاني
قالو ما ينمو مول
و خلال اسبوع اذا ما نما لازم يطيح
عنبو حسو فيي و خلو النبض فالصوووب
و ردو على موضوع النمو