السلام عليكم ورحمة الله وبركاته
خواتي انا وحده عندي اسقاطات متكرره سببها موت الجنين في الرحم وعالجت في كذا مكان حد الاجسام المضاده ممكن تكون السبب وحد قالي تحليل الغده كان مرتفع ممكن هو السبب وسافرت تايلاند قالوا لي ما فيج شي ريلي نفس الشيء انتوا شو رايكم المهم اخر شي رحت عند دكتوره قالتلي الدوفاستون هو السبب مثبت الحمل بصراحه انصعقت هل ممكن مثبت الحمل يسوس جيه وحد سمع نفس هالكلام من دكتوره طبعا اللي عنده مشاكل اجهاض مسبق وهو موت الجنين المهم اللي عنده فكره يقولي واللي لا يرفعلي الموضوع يزاكم الله خير وربي يرزقنا واياكم يا رب واللي تعالجت عند دكتوره خبره وساعدتها واكتمل حملها بعد تقولي
اللي اعرفه ان الدوفاستون ينزل الدوره اذا متأخره
واذا شي حمل يثبته
اناخذيته مثبت حمل
هو له عملين
للرفع
أنا خذته لان نزل علي دم و ما خذته من
اول ما عرفت عمري حامل و ما اكتمل نمو
الجنين و سقطت بس المرة هذي خذته من اول
ما عرفت أني حامل لان كنت محتايه مثبتات
لأني سقطت المرة الاولى و الحمد لله رب العالمين
ان ثبت لي حملي و الله يرزقج ان شاء الله أختي
بالذرية الصالحة و يعوضج خير يارب
فديتج لازم تنظمين افراز الغده لانه يلعب دوور
سواء كانت نشيطه ولا خامله لازم تكون النسبه طبيعيه عشان يثبت البيبي
الله يثبت حملج ويرزقج طفل سليم معافى يارب
المشاركة الأصلية كتبت بواسطة (( بسمه )) 
سواء كانت نشيطه ولا خامله لازم تكون النسبه طبيعيه عشان يثبت البيبي
الله يثبت حملج ويرزقج طفل سليم معافى يارب
كلام الأخت صحيح . ربيعتي نفس الحالة وفي تايلند قالوا لها ما عندج الغدة بس في الإمارات قالوا لها عندها الغدة ويوم سافرة أمريكا طلع فعلاً عندها الغدة والحمدلله تعالجت وحملت وجابت ولد بعدها .تأكدي أختي , روحي لدكتورة ثانية وسوي فحوص شاملة وإذا من الأجسام المضادة بعد لها تحليل ولها علاج , الدافيستون , لتنظيم الدورة والهرمونات وتثبيت الحمل . بس ما سمعت أنه سوى إجهاض لحد . ربي يرزقج بالذرية الصالحة ويعوضج عوض خير .