سلام عليكم ماميز
شوفو شو صارلي للعبرة اما الشكوى لله وحده.
رديت تعبانة نبطحت على جنبي اليمين ساعة تقريبا اول ما نشيت الم فضيع في جنبي اليمين تميت اصيح صياح و مب قادرة اتنفس و لا امشي شي داخل بيعور سوالي ريلي مساج في بطني بس يوصل ديك المنطقة اصارخ ما اقدر و طبعا خفت على البيبي …تحملت شوية ما رحت المستشفى قلت يمكن يخوز يمكن حركة غلط ف رقاد ….تاني يوم زاد الالم مب قادرة اوقف و لا اتحرك تخيلوا معاي الم فضيع ف بطني صوب اليمين …..رحنا لدكتورة اول ما حطت يدها على بطني صرااااااخ مب قادرة و كلش اقولها طمنيني على البيبي …قالت لي انتي عندج قاولون 
تخيلو معاي قالت لي بطنع متروس غازات و قاولون وصفت لي دوا و قالت لي اهم شي الاكل و انا اصلا مشروبات غازية ما اشرب و ما اكل مقلي 
يعني وايد منتبهة على اكلي من وين ياني القاولون الله اعلم .
المشكلة الحين انا بعدني ارجع خدت الدوا مرتين و على طول ارجع 
خبرتكم تنتبهو للموضوع و دعواتكم
الله يشافيكي ويعافيكي حبيبتي
وما ع قلبك شر أن شاء الله
ما تشوفين شر حبيبتي
ولا تظايقين ولا تعصبين ترا هذا كله يسوي قولون
يعني النفسية تلعب دور..
ربي يعافيج وما تشوفين شر ابد.
ما تشوفين شر اختي
فعلا الحالة النفسية تلعب دور
الله يعفيج يا رب و عليج اب شرب شاي النعناع ……. يعني بس نعناع جاف اغليه ويا سكر و ان شاء الله بيخف
مشكورات فديتكن على ردودكن الطيبة المشكلة و لا شي يتم ف بطني كلش ازاوع بس بجرب نعناع على قولة اختي شامو
الله المستعان
بالسلامه انشاء الله حبيبتي