مرحباا خواتي
انا اول ماحملت قالتلي الدكتوره جنيني فيه شريان واحد ووريد فالحبل السري والمفروض شريانين وانا حاليا دخلت الشهر الثامن ووايد احاتي عالبيبي لايكون فيه شي وقالولي احتمال يصير للجنين لخبطه فالكروسومات او سوء تغذيه او منغولي او تشوهات فالقلب او الكلى وانا تابعت المستشفى اول باول والحمدلله طمنوني انه ماعنده تشوهات بس قالولي مانظمن لازم تسوين ابرة البطن وهي اخذ عينه من سائل الجنين وهو بيكون الجواب الشافي بس انا ماطعت وماحبيت اخاطر ياريت اللي مرت بمثل هالحاله اطمني شوصار للبيبي هذا اول حمل لي ومن كثر ما افكر تعبت ادري كله عند الله وانا راضيه بااللي يكتبه ربي بس الانسان ضعيف ويخاف ووايد افكر 
اقل شي دعواتكم لي انه جنيني يكون بصحه وعافيه وانشاء الله تقر عيني بشوفته اللهم اميين …
والله يا أختي ما عندي علم …
الله يطمنج ويريح قلبج
لا تحاتين انشالله خير
تسلمين عالدعوه فديتج ..
الله يطمن قلبج يارب وتفرحين بجنينج
اللهم امين ويثبت حملج ويسعدج غناتي 
إن شاء الله مابه شر وتربين بسلامة وبصحة إنتي وجنينج
ماعليج إلا قراية سورة البقرة يوميا ومراح تندمين
والله يطمن قلبج
تسلمين يا قلبي ..