الجامعه وترجيع الكتب

اليوم ماكتبت الا من قهري من جامعتنا الله يسامحهم ..
اتصدقون .. ياخذون بيزات من البنات اللي يتأخرون في ترجيع الكتب حتى لو يوم واحد .. بسعر الكتاب ..

اوكي انا معاهم ان المفروض يسوون لنا غرامه بس عالاقل تكون غرامه معقوله ..

المفروض مبلغ وكل بنت نفس الثانيه .. مب على حسب سعر الكتاب

توني برد كتبي الا قال لي عطيني 365 درهم .. وهم 3 كتب بس ..

يعني خذوا فايدتهم من تدريسنا بهالكتب . مرتين او 3 ..

اونه غرامه لاني تأخرت ..

ويحليلها عدالي بنت غرموها 570 درهم .. على 5 كتب ..

والخافي كان اعظم ..

والله قهررررررررر..

مربحين اعمارهم بهالفلوس مسوين تجاره على حسابنا ..

والحين مااقدر اخذ كتبي لين مااعطيهم المبلغ وانا عندي كلاس لاااااااااااازم يكون الكتاب معايا .. اففففففف .. ولا خذت احتاطاتي من قبل .. ولاحتى يايبه بيزاتي .. رااااااح عن بالي ..

.. مع ان السالفه والله مب سالفة فلوس .. بس جد يعني المحتاجه واللي عندها ظروف شتسوي ؟؟ ماترد كتبها ولا تاخذ كتب اكلورس الثاني ؟؟!!

مايفكرون بمنطق ابدا!!!

والسموحه لو طولت