صباحكم خير ورضا بإذن الله ..
بنات انا حامل ..كانت دورتي بتاريخ 27/3
واصلا هي من بعد زواجي ما كانت منتظمة ابد…
المهم عرفت اني حامل وحسب حسابي يصير اني ادش الثالث تاريخ 8/6
بس المشكلة الدكتورة سوتلي تصوير للرحم وقالت حسابج غلط لأن البيبي بعده ما موضح فالرحم الكيس واضح بس البيبي لسه ..تقول الحساب غلط لان الدورة اصلا مو منتظمه
انا وايد خايفه وافكر بهالموضوع
اللي تعرف شي عن حالتي تفهمني جزاكم الله خير
وهل فعلا ممكن اكون غلطانة بالحساب
صارلي 8شهور من تزوجت وتوني بس حملت والله والله فرحانه وايد بالحمل وخوفني كلام الطبيبه
عادي حبيبتي
انا اخر دوره لي 20-3 بس ما احسب عالدوره لان الحمل متاخر بسبب عدم انتظام الدوره
بعد اسبوعين سيري وجيكي وان شاء الله خير
حتى حملي الاول كان جذيه ما يحسبون لي عالدوره بس عالسونار
المشاركة الأصلية كتبت بواسطة ابتسامتي غير 
انا اخر دوره لي 20-3 بس ما احسب عالدوره لان الحمل متاخر بسبب عدم انتظام الدوره
بعد اسبوعين سيري وجيكي وان شاء الله خير
حتى حملي الاول كان جذيه ما يحسبون لي عالدوره بس عالسونار
انزين عادي ان البيبي بعده ما واضح؟؟
عادي لان اذا الحمل متاخر بيكون بعده بدري على انه يبين
انا اخرت سيرة عند الدكتوره لان ادري انه ما بيبان
مثل ما قلت لج دورتي كانت 20-3 بس انا سويت فحص تاريخ 3-5 وكان الحمل له اسبوع بس يعني وايد بدري
لا تحاتين ان شاء الله خير
تذكريني بنفسي فاول حمل كل ساع اسوي تصوير اما الحين خلاص عادي لووووووووووووول
يزاج الله خير
الله يجعلج وعيالج من الطيبين المباركين الابرار
اللهم آمين
البنات ما قصروا فالرد
الله يحفظ لج البيبي ويفرحج به ياااارب