penne arrabiataمن ايطاليا للي يحبون الباستا .

بون جوووووووووووووووورنو صبايااا
نورتو الموضوع بهالطله الحلوة ^^….

اليوم امسويه بني ارابياتا بس طلعت شييي
وطبعا صورتها لعيونكم ..سهله وااايد مايبالها شي..

خلصينا

ع فكرة arrabiata يعني غااضبه ومنررفززة خخخخخخخخ
امسمينها جي لانها بالفلفل .. اللي تحب الاكل الايطالي اكيد بتعرفها
لانها وصفه رئيسيه هني..

وهذي الوصفه..

اول شي المقادير\

باستا نوع بني مثل ماتشوفونها فالصورة..
3ملاعق طعام زيت زيتون
4فصوص ثوم ناعمه (لاحظي اني زودت الثوم لانها بالثوم والفلفل )
ملعقتين فلفل احمر مجفف (تلقونه فالجمعيات قسم البهارات)
صلصه الاربياتا لو مالقيتيها فالجمعيه استخدمي صلصه الاسباجتي الجاهزة
بس بدون بهارات وبصل اللي اتييج جاهزة..
ملح
نص حزمه بقدونس مفروم ناااعم..

حطيت الجدر عالنار وصبيت زيت الزيتون وحمست الثوم فيه
لين طلعت ريحة الثوم ..

اهني حطيت الصلصه الجاهزة ..

خليتها عالنار 7دقايق وحطيت الملح

زدت البقدونس والفلفل الحار..
وخليت الصلصه 5دقايق ع نار هاديه ..وشخلت الباستا..

اهنه حطيت الباستا عالصلصه وخلطناها..

صورة ثانيهلازم اندلعها جم صورة نحط لها…

سويت وياه ستيك لحم..

واخيييراا

وهني صورة ثانيه

يارب اتكون عيبتكم الطبخه ..
واللي عندها اي سؤال او ملاحظه من عيوووني …

حيا الله سنييورات الامارااات..
اترياكم..

ما شاء الله عليج …

جربت و سويت البيتزا اللي سويتيها.. وهلي كلهم متخبلين عليها..

وان شاء الله بجرب هاي الاكله..