مرحبا بنات
انا امتحاني الشهر الياي في دبي الله يخليكم خبروني شو الاشيا الي لازم اسويها هالفتره
؟
اذاكر ؟
كيف و من وين ؟ هل في كتب معينه اخذها ؟ وين يبيعونها؟ و كيف توزيع الامتحان ؟ يعني اول شي القراءه و الاستماع و الكتابه و بعدين بريك و عقب امتحان التحدث ؟ شو ممكن يسألوني و شو الاستعدادات الي استعدهااا؟
على فكره بمتحن على طول بدون دوره
وانا مستوايه في الانجليزي في السبعينات … ف تحسون بنجح و بييب الدرجه المناسبه
كليتنا تبغي 6 !!!
واذا ما يبتلهم راح انطرد
الله يخليكم ساعدوني و ادعولي انجح و ايب 6
موفقه ان شاء الله حبيبتي
وانا بعد شرآتج 
بنآت سآعدونا ويزاكن الله خير
بليز أترياكن ..ضروري
بنات ضروري إي حد يعرف شي
لا يبخل علينها
انا بعد الجامعة طالبة 6 ولا بنطرد وعطتني مهلة سنتين
اما انا فكرة اروح الكلية
انا سجلت فبرتش كانسل دورة ايلتس بس داومت فالكلاس يومين وبعدها شفت انه صعب علي وقلت لهم ابي اتأسس بالانجليزي وبعدها باخذ دورة الايلتس والصيف كله بداوم فبرتش ان شاء الله
انتي شوفي اذا بغيتي تروحين اول شي اتصلي فيهم وهم بيعطونج موعد تمتحنين وشوفون مستواج اذا تقدرين تدخلين دورة الايلتس ولا لاء وداومي انتي وشوفي اذا شفتي عمرج مامشيتي وقليلهم نزلوني شوي
وربي يوفقج الغاليه واذا تبين تسألين اي شي عن برتش انا حاااظره
ولي رجعة بفهمج عن الايلتس ومن وين تدرسينه بس شويه مشغوله
برب
مكونات الأمتحان
ينقسم الأمتحان إلى 4 أقسام ومدته 2:45 ساعاتان و خمس وأربعون دقيقه تتوزع على فترة ممتدة ما بين 3-8ساعات و يتقدم الممتحن لهذه الأقسام تتابعا في نفس اليوم.
القرائة ساعة واحدة
الكتابة ساعة واحدة
الأستماع 30 دقيقه
المحادثة 15 دقيقة
الامتحان أربع أقسام:
Reading, Writing, Listening, speaking
Listening: وايد سهل، في اختيار الاجابة، واكمل الفراغ على حسب اللي تسمعه، أول جزء يكون بطيء بعدين السرعة تتدرج بس ممكن تلحق، مو نفس التوفل ما تفهمون شي، على العموم هو سهل.
Reading: ثلاث قطع طوال، كل قطعة صفحتين أو صفحة ونص، وعلى كل قطعة 25 دقيقة، ونصيحتي لا تقرى القطع في البداية، اقرا الأسئلة عشان وانت تقرا تعرف الاجابة بسرعة وما تضيع الوقت
.
Writing: تكتب موضوعين، الموضوع الاول رسم بياني وانت تشرح، والموضوع الثاني اكاديمي (عن مشكلة معينة وتحطه المساوئ والمحاسن ورايج إلخ)، ونصيحتي تكون على شكل فقرات يعني مقدمة وثلاث فقرات تتكلم عن نقاط اساسية في الموضوع وبعدين الخاتمة، لأنهم يحبون هاذي الطريقة.
Speaking: يتكلم معاج واحد من الاساتذة عن هواياتك وعن دراستك ويعطيك موضوع تتكلم عنه مثلاً عن البيئة أو حفلة حضرتها، اسئلتهم سهلة لمدة ربع ساعة، نصيحتي لك (تكلم ولا تسكت لين ما يسكتك الاستاذ).
^^
هذا الكلام نقلته لج من رد وحده لي في منتدى ثاني
اما عن نفسي لم رحت برتش كانسل هم عطوني كتابين الكتاب الاول فيه نماذج امتحانات الايلتس ومعاه سدين للسنغ والكتاب الثاني للدراسة انا عيبني الكتاب الاول مال نماذج انه تشوفين الامتحان كيف بيلج
بس لو كنتي دارسة لمدة شهرين على الاقل فبرتش احسن عسب تتهيئين للمتحان
وبحثي فقوقل عن المواقع المفيدة بتلاقين وااايد انتي ختاري لي يعيبج ولي على مستواج
وان شاء الله وعطيتج خلفية عن الامتحان
وربي يوفقج