شعر بنتي خشن بعد الحلاقه ارد احلق شعرها ؟؟؟؟؟؟

السلام عليكم و رحمة الله و بركاته
مرحبا خواتي شخباركن
حبيت اشاوركن ف موضوع حلاقة شعر الطفل بعد الولادة
بنتي عمرها 5 شهور قرعتها قبل شهرين بالمكينه و مسحه خفيفه بالموس و طلع شعر خشن مع ان قبل الحلاقة كان ناعم و حلو ما شاء الله بس بما ان شعرها من ورى كان خفيف يعقد ف قررت احلقها لكن الاحظ احين خشن من ظهر ف مادري شو الحل شو رايكن ارد احلق شعرها هل ينفع و ينعم ولا بيطلع مثل ماهو
متردده ماعرف شو الحل شورن علي الي عندها خبره و تجارب ياريت تفديني

و السموحه طولت عليكن

استغفر الله العظيم

استغفرالله

استغفرالله

استغفرالله

خليه الها يطول ان شاءالله ينعم عقب . أنا بنتي بعد حلقتها مكينة طلع خشن ويوم كملت السنة أحوفه شوي استوى نعيم . انتي حاولي تمشطينه كل يوم وتدهنينه شوي . ماعليه انﻻشاءالله بينعم عقب فترة .

استغفرالله

بنتي مب طايعه تشرب حليب

السلام عليكم

شحالكن بنات

بدش ف الموضوع ع طول

بنتي توها 3 شهور ونص تقريبا ومب راضيه ابد تشرب حليب من اسبوعين يعني ف الثلاث ساعات تشرب 60 مل بس
واحس انها ضعفانه فديتها هالفترة

احاول ارضعها ما تطيع احاول اعطيها من المرضعه نفس الشي ما تطيع

شوووووو اسوي
ومتى ابدأ اعطيها اكل لاني طفرررررررت صراحه وابا ابدأ اعطيها اكل

الله يعينج والله بس الغالية حاولي تقرين عليها وانتي ترضعينها….وتغطي عدل واصبري عليها ان شاء ترضع…وراجعي دكتورة اطفال بتفيدج اكثر………..والسموووحه

مشكورة فديتج

افا كل هالمشاهدات ولا حد رد ع الاقل دعوه حلوة لبنتي انها ترد تشرب حليب تبخلون حتى بدعوه

فديتج احتمال تكون مغغتها نازلة انتبهي

يمكن بنتج فيها التهاب في اللوز (بلاعيم) لان اليهال يوم تيهم بلاعيم ما يرضون يرضعون
ان شاء الله الله يهدي بنتج وترضع

اقري عليها و سمي … لا تيأسين اهم شي الرضااااعه ..

و راجعي دكتورة اطفال احسن لج …

الله يوفقج الله يرزقنا الزوج الصالح

استفسااااااااااااار

السلام عليكم ورحمة الله وبركاته ..~

شحااالكم بناااااات ؟

مابطول عليييكم بس عندي سؤال ..

شعر حاجب ولد أختي وايد يتساقط يعني اليوم حطت ايدها على حاجبه وست شعرات طاحت على ايدها .. هل هالشي طبيعي ولا ؟

للعلم إن عمره ثلاث شهور وسبوعين ..~

اتمنى تفيدوني ^^

ما ادري فديتج يمكن عادي شرا ما شعر الراس ايحت يمكن الحيات (الحواجب) بعد ايحتن …

ميروووه

يمكن شعره خفيف وايد اتصير وايد لليهلال عااادي جدا

لكن اختي اذا لاحظت اختج هالشي اكثر من مرة تسال الدكتور

يعني لو كلما تمس حوايبه اطيح جي تستشير الدكتور لاااازم

حتى لو بالتلفون

إن شاء الله بنسأل الدكتور عن هالشي

تسلمون عالردوود فديتكم

اتوقع عادي فديتج

المصاصه

السلام عليكم خواتي

بنتي عمرها سنه ونص ولازم وقت رقادها تمص مصاصه عشان ترقد… والحمدلله مب متعوده الا في وقت الرقاد… بس اشوفها مصختها واخاف تتعلق وااايد بالمصاصه..

كيف اخليها تكره المصاصه؟؟؟

الي عانت من هالمشكله وعرفت تحلها تخبرني…. لا تبخلون علي

انا عن نفسي اعطي عيالي مصاصه واصلا المصاصه مالها اضرار بالعكس حتى امي دوم تقولي اعطي عيالج مصاصه مابتوبلين صياحهم اذا هم صياحين ومن يمكل سنه خلاص اخليها عنهم ويخلونها بسهوله عادي ..
واذا خايفه ان بنتج تتعود عليها عادي اصلا هاذا من صالحج انتي بترتاحين ادري ان في وايد حريم مايأيدن كلامي بس انا اشوف عشان الام ترتاح شوي تعطي عيالها مصاصه واذا بنتج فديتها من انوع الي ماتصيح وايد لاتعطينها وحتى وقت ارقاد لاتعطينها انا قبل يوم كان ولدي يمص المصاصه واكثر شي يدور عليها وقت رقاده يمصها ويرقد ويوم قرت اخليها سويت هطريقه تدوخهم وتخليهم يرقدون بدون مايفكرون فالمصاصه واطريقه اني اساند بضهري على الكنبه او اي شي وامد اريولي واحط مخده فوق آخر اريولي واحد راسه مجابلني عالمخده وريوله صوبي صوب بطني يعني مادري اذا اشرح انفهم ولا واهزه يمين ويسار شوي شوي بهالطريقه بدأ ينسى الملهيه انتي جربي هطريقه مع بنتج فديتها ومب كل ليله تعطينها الملهيه جربي يوم هيه ويوم لاء لين تنساها .. وان شاءالله انها مابتتعود عليها اذا انتي ماتبينها تتعود .. ^.^

.. ارفع شعار المصاصه ..

لان مستحيل اشوف بنتي اتصيح و المصاصه على طول تهديها .. يعني اول ما يبتها هيه معظم الوقت كانت تباها .. احين قامت روحها تكتفي فيها خمس دقايق و تفرها ما تباها .. يعني احس الحمدلله هي يالسه اتاقلم عمرها على حسب حاجتها حق المصاصه بروحها .. بس المصاصه ضروريه وقت الرقاد و اذا كانت بس حزه النوم تباها فا مافي ضرر .. لين متى بتم تمصها لين عمر سنتين مثلا .. عادي خليها تمصها فالنهايه بتودرها . يعني لو يا الموضوع على الرقده

امممممممممم ابدا ما افكر اجربها الى بنتي مع انها بكاية درجه اولى

بس اخاف من اضرارها او تعلق الطفل فيها

وبعد ما يعجبني مظهر الطفل وهو يمصها خخخخخخخخ

>>> سمعت انها تاثر على اسنان الطفل اذا استخدمها فترة طويلة

والعهدة على الراوي >> انا ما يخصني ههههههههه

جان زين يطيع ياخذها ولدي

عيالي الاثنين خذوووها وودروها بصراحه انا عقيتها عن بنتي وعادي عقب تمت تصيح يومين ونست السالفه

عيل يبالي اعودها مع انها من ترقد اشوفها تعق المصاصه عنها ومراااات لااااا يالسه تمص

وانا مع المصاصه…. الصراحه الأم ما تقدر من دونه…. عني انا بربي ان شاء الله بعد شهرين… وشاريه مصاصه من احينه حق الياهل

اول شيء احضره في تجهيزات البيبي
يا ستي احمدي ربنا انها رضيت تاخدها احنا ناقصين صداعهم
وبعدين اشغلي نفسك ببكره

جدول لتنظيم يوميات طفلك

السلام عليكم ورحمة الله وبركاته

اليوم حبيت اشارك بشي ينظم عيالنا

جدول بسيط في كل الامور اليوميه من صلاه و واااجبات المدرسه

هالشي بيساعدهم انهم يصيرون ننظامين اكثر
ويحافظون على صلاتهم
والامهات طبعا لازم في مكافأه لين يتعود على الاشياء

واسمحولي

دعوه حلوه منكم بظهر الغيب

اذا الجدول صغغير كبروا ششوي لاني تعبت لين قدرت انزل هالحجم

الصور المرفقة الصور المرفقة

ررررفع

الصور المرفقة الصور المرفقة

اب اب اب

الصور المرفقة الصور المرفقة

upppppppp

الصور المرفقة الصور المرفقة

حلوو انج تشجعينها بهاي الطريقة

موفقه ^_^

الصور المرفقة الصور المرفقة

ررررررررررررفع

الصور المرفقة الصور المرفقة

تسلمين حبوبة

الصور المرفقة الصور المرفقة

الأسهال وطفح الجلد بليييز ساعدوا ولدي


خواتي بغيتكن تساعدني
غامضني ولدي مب عارفه شو أسوي له
صار له أسهال ويوم عن يوم أشوف المنطقه تحمر لدرجه تسلخ الجلد والله خايفه عليه عمره بس ست شهور
مع اني دايما استخدم سودو كريم بعد ماأنشف المنطقه زين
مع أنه يقولون أنه أحسن كريم ويوم شفت أنه مامنه فايده غيرته سرت الصيدليه وقلت له عطني أحسن كريم فعطاني بيبي كير وبعد مانفع رديت وسرت الصيدليه وخذت مرهمين لتسلخ الجلد ابد مانفع بالعكس زاد له
واليوم سرت العياده وعطتني مرهمين مال الفطريات وبشوف بينفع ولا أنا خايفه أنه يزيد له
يوم نحن مانتحمل كيف هم اليهال
تخيلو الحين مول ما ألبسه البامبرز إلا يوم يرقد بالليل أو يوم نطلع مكان*
أحس صعبه العيشه بدون بامبرز يخيس المكان وايلس حداله عسب من يخيس ثيابه على طول أغير له عن يبرد وخاصه الحين يوم بدا يتجلب
وانا روحي حامل أحس بتعب الله المستعان
شوروا علي خواتي شو أسوي جزاكم الله خير

الله يشفيه ويعافيه ياااارب

في كريم وايد اوكي اسمه زين كاست وانا يوم يستوي لبنتي جذه احطيلها بودرة جونسون يخفف عليها

الغآآآليه كريم [ سودو كريم ] >> يمنع الطفــــح
بس يوم البيبي يلتهب مابيفيـــــــــده أبد ولا بيسوي شي

عليج بكريم اسمه [ ميدو ] لونه اصفر
أحسسسسسن منه مآشي

عن تجربتي لولدي يوم كآن صغير + بنتي توها 4 شهور

وربي يعآآآآآآفي ولدج

حبوبه أنا كنت أعاني من هالطفح ويا ولدي لين مانصحتني دكتورة بزيت لقمان بتحصلينه في مطحنة هاشم في عيمان أو أي مطحنه في امارتج بس ابصراحه في نفس اليوم بتشوفين الفرق بس حطي شوي من الزيت بقطنه عريضه وحطيها مكان الاحمرار ولبسيه البامبرز وبتلاحظين الفرق
الزيت لونه بني بس الكرتون أخضر

والله يعافيه ويشافيه والكريمات مامنهن فايده استعملت لولدي أكثر من مرهم بس مانفع والحمدلله هالزيت نفعه وريحني وما استغني عنه أبد

مرهم ميدو وايد زين بس مكوناته طبيعيه يمكن يتاخر ما يشفى فالحل المرهم اللي وصفته الدكتوره حق الفطريات ظني تستخدمينه مرتين وباقي المرات دهني كل شوي بزيت الزيتون او مرهم ميدو

والله يشفيه ويقومج بالسلامه

ابي حضانه لبنتي

السلام عليكم ورحمه الله وبركاته

اشحالكن امهات سيدات الامارات
فديتكن ابي حضانه اوكي في مدينه خليفه ب يكون فيها دراسه ونشاطات وغيرها ويكون سعرها مناسب
لان بنتي ماشالله عليها تلقط اي شي وتحفظ فقلت حراااام تيلس في البيت واضيع من عمرها هي الحين 3 سنوات

ما اعرف والله

ماعرف بس مانصحج بالحضانه

القمل

السلام عليكم

بغيت طريقة تقل القمل نهاااااااااااااااااااااااااااااااااااااااااااااااا ااااااااااااائي

السموحة

امممم مالج غير أنج أتميييين اتنزليهن
و أذن شي شامبو للقمل ^^

و شي مشط القمل

الغالية شيء في الصيدلية شامبوورش (بارا) وااايد زين

وشيء مشط خاص للقمل كل يوم مشطي مرة و2 و3 واذا استمريني بيروح في مدة اسبوع او 10 ايام ان شاء الله

أنا مره قريت عن تاجره تبيع زيت فيه نيل ما أذكر شو اسمها
بس على ما اذكر مكوناته عباره عن

زيت ناريل دبه صغيره مع ملعقه النيل (ايج اكسر كبر الحصى لونه ازرق غامج)
انزين تقول يقضي عليه من ثالث استخدام سبحان الله
وجربيه الله يعافيكم

وين بحصل مثل هذي ؟؟؟؟؟؟؟؟؟؟؟

السلام عليكم ياا أمهاااات
مبروووكــ عليكم الشهر ….

بغيت اسألين وين بحصل اللعبه مال السرير …. بحيث اتكوووون تشتغل ع بطاريه بدووون حيس

انا عندي وحده شريتهااا من بيبي شوووب ما كملت اسبوووع وختربت….. الحيس ما الموسقى اخترب

بيت الاطفال
يعني محلات الاطفال وين يبيعون لعب

التعليم المبكر

تسلمن يا الغاليااااات

ممكن تحصلينها في تويز آر أص .. ولا بريمامان

البنات وفوا

الغاليه انا بعد خذت مثلها
ما تمت شي الا وختربت
وغيير انه كل يوميين اغير البطاريه
مب شي العاديه احلى بواايد
حتى ولدي هدييج ما كان يعبرها
اما العاديه يستاااااااانس علييها

متى يبدأ عقل طفلك فى التكوين | الأمومة والطفولة حصري


يبدأ مخ طفلك في التكوين بعد ثلاثة أسابيع من الحمل ويعد مفهوم الغذاء من أهم الأشياء التي يجب مراعاتها أثناء فترة الحمل حيث يؤثر تأثيراً مهماً على تكوين مخ طفلك.

إن عقل الصغير يخضع للتغيرات التكوينية السريعة بين 24 و 42 أسابيع من الحمل و نمو المخ يحدث من 34 أسابيع.

مجموعة كبيرة من الأطعمة الغذائية اللازمة في هذا السياق تعطيكي مجموعة كبيرة من الفيتامينات والمعادن ذات التاثير النافع لكي ولطفلك.

مثل السردين بالزيت و هو من السمك الغني بــ docosahexaenoic ، الذي يساعد المخ والجهاز العصبي المركزي على النمو بشكل صحي و سليم. سمك السردين هي أقل الأسماك تعرضاً للتلوث و غني بفيتامين دال.

ما تحتاجه : تنصح الحوامل تستهلك ما لا يقل عن 2 كيلوجرم من السمك في الأسبوع.

العدس و أهمية
الحديد هو أمر في قمة الأهمية، حيث يؤثر على إنتاج المواد الكيميائية من المخ و يشكل ربط بين تكسر دهن المايلين والزهايمر، فهي عملية وقاية حيوية سريعة ودقيقة لإرسال الرسائل في الدماغ. قلة الحديد يمكن أن تؤدي إلى إعاقة نموهم الذهني.

لا تحرمي نغفسك من تلك الأطعمة المهمة أثاء فترة الحمل و تكوين عقل طفلك و جسده.
(حــــصـــــري)

موضوع جميل و معلومات مهم للحوامل

سبحان الله فعلا موضوع مميز
سبحان الله

السلام عليكم ورحمة الله
لا يوجد فى جسم الإنسان أوغيره من المخلوقات عضو يسمى العقل فالعقل صفة من التعقل وليس إسم لعضو موجود بالفعل لكل أخواتى تحياتى ونرجو تعديل صيغة سؤال الموضوع حتى يتثنا لنا التواصل بهذا الموضوع الشيق
وتقبلو مرورى 0

موضوع جميل ورائع
وبالنسبة لكلام الاخت جيهان عوض فهو صحيح لان العقل ليس جزء من الدماغ وانما هو عملية وصف للانشطة مثل التفكير والذاكرة والعاطفة

اما بالنسبة للمخ صحيح مثل ما ذكرتي عزيزتي فهو جزء من الدماغ ويهتم بالوظائف الادراكية والحسية
وطبعا الدماغ هو الجزء الكامل داخل الجمجمة وبيتحكم على معظم اعضاء الجسم وهو عبارة عن المخ والمخيخ

سبحان الله ،،
صراحه انا ابدا ما اكل السمك حالتي صعبه !
ويوم احمل اتعب وايد بسبة هالشي ،،

ماقصرتي اختي ،،