>_< معقولة بنات جي ؟؟ وين الانوثة و الرقة ؟؟؟

بداية هالموضوع انزله بعد ما خلاص وصل حدي من بعض الناس فالمنتدى
واتمنى الاداريات ينتبهون لهالشي لانه وايد يظايق بنات فالمنتدى ويخليهم
ما يحدرون المنتدى والسبب هو دفاشة البعض من البنات فالرد و وايد بنات
لاحظت يقولون انهم مايحبون يدخلون المنتدى بسبب بعض العضوات الله يهديهم
ان شاء الله يردون ردود جاااافة و دفشة
قسماً بالله ساعات احس من ردود بعض العضوات على بعض ان في بينهم
عداوة يعني بنت منزلة موضوع تستشير في البنات الا هجموا عليها
وشوي بياكلونها بقشورها
ولا بنت حاطة صور عرس او ملجة وتبدى التعليقات الجافة مب حلو
ما عيبني شوها التبذير ليش كل ها ما تعرفون تقولون مبروك الله يوفقهم
حتى لو من ورا خاطرج قوليها ترا الكلمة الطيبة عليها اجر
وليش هالدفاشة ماحييد نحن داخلين حلبة مصارعة داخلين منتدى كلهم بنات
وحريم واظني الحرمة والبنت معروفة بالرقة و الانوثة والاتيكيت الي ما يسمح
لها تتهجم عالناس وتعلق وتجرح انا بصراحة دخلت اكثر عن موضوع وشفت
ان في بنات يردون ردود وايد جاااااااافة ودفشششششة
يعني يوم بتردين رد يزعل صاحبة الموضوع او اي انسانة احتفظي برايج
لنفسج طلعي دفاشتج على اهلج وناسج يمكن هم يتحملون اسلوبج ودفاشتج
بس في ناس فالمنتدى مب متعودين على هالاسلوب فليش كل ها ؟؟؟؟
اعتقد ان البنات والحريم يلجأون للمنتدى عشان يكونون صداقات ويرفهون
عن نفسهم و في ناس ها متنفسهم الوحيد الي يفضفضون فيه لا عندهم
خوات ولا حد يفضفضون له ويتريون منكم ردود تريح القلب و البال مب
عشان يتجرحون بالردود القاسية و الي يمكن بدون ما تقصد الوحدة تسبب
جرح فنفس انسانة وتخليها تتحطم وهي حتى ما تعرف ان الكلمة الي
قالتها ممكن تجرح انسانة وتحطمها او تخليها تنقص ثقتها بنفسها
نصيحة بنات حاسبوا في كل ما كتبت ايدكم لانكم محاسبين عليه
انج تجرحين انسانة و تذمين ذوقها او تطلعين حرتج فيها مب يعني ها
ان ذوقج احلى عن ذوقها او ان شخصيتج قوية و تفرضين رايج عالناس
في شي اسمه احترام متبادل ومتى ما طاح الاحترام بدت المشاحنات
و الحقد ونحن مب داخلين هالمنتدى لهالغرض هالمنتدى راقي واسمه
سيدات الامارات يعني انتو فهالمنتدى تمثلون بنات الامارات سواء فالاتيكيت فالذوق فالأدب وفالاحترام
فبليييييييييييييييييييييييز
بنات وحريم حبيباتي الي مرت بموقف من وحدة
جرحت مشاعرها فالمنتدى خلها كبيرة واكبر عنها و
تسامحها وتذكرها بالحديث الشريف

عن أبي هريرة -رضي الله عنه- قال: قال رسول الله -صلى الله
عليه وسلم-: من كان يؤمن بالله واليوم الآخر فليقل خيرا أو ليصمت
و خل نبدا صفحة يديدة فالمنتدى خالية من التجريح
والردود القاسية
وشكراً