السلام عليكم ورحمة الله وبركاته
شخباركم؟ صار لى فتره طوووويله ما دشيت المنتدى ولا نزلت موضوع بعد
طبعا بتستغربون من العنوان انا ما راح ادافع عن البنات المنحرفات لكنى حبيت انبه الامهات عن تصرفات تخلي بعض البنات يفكروا بالانحراف ويدورون على طريقه للحصول على المال
قبل لا اتكلم بذكر لكم قصص واقعيه عن بنات اعرفهم شخصيا واعترفوا لى انه ابوهم سبب في انهم يتعرفون على الشباب عشان يصرفون عليهم تقول البنت ابوي مانعنا نشتغل وبخيل بعد مع انه عنده بيزات لكن لا ما يعطينا ونحن نحتاج حاولنا نشتغل بالبيت بالدسه لكن مثل ما تعرفون اى شغله يبيلها علاقات مع الناس فختصرنا الطريق وبدينا بالاول نتعرف على الشباب بالشات وكله سوالف بالفون او الى يرقمونا وكنا بعد فتره نطلع حجج انه نبي بيزات سلف ونطلع لى عذر لاحتياجنا ووالله بعد ما يوصلنا البيزات نحس بندم وقهر ونكره ابونا زووود لانه السبب في الى نحن فيه….
كثير من الاهل وخاصة الاب يعتقد انه لو عطى البنت فلوس انه ممكن انها تخترب فيفضل انه يحاصرها عشان على قولته الفلوس يمكن تخربها
وفي اباء ما يعترفون بالتطور الى حاصل وان لكل بنت احتياجها غير الاكل والشرب والتعليم …
انا مو مع انه الواحد يعطي البنت فلوس وما يعرف هي وين تصرفه لكن على الاقل يعطيها احتياجاتها وما يحسسها بالنقص لانه صاروا البنات يتفاخرون بينهم البين بالبس او الشنط او او او
كثير من البنات شكواهم البيزات وبخل الاهل او عدم اهتمامهم في بناتهم
ترى على فكره الشعور بالنقص والحاجه تخلي الوحده تفكر بأى طريقه بس عشان تحصل فلوس بتقولون في اكثر من طريقه ادرى بس ضعاف النفوس يدورون اسهل طريقه…وانا ما ادافع عنهم لا
تصدقون انا اعرف اسره الاب ما شاء الله عنده خييييييير وسفريات ولبس وسيارات تعالوا شوفوا بناته ابد مسكينات يدورون المية درهم!!!!!
فنصيحتى لا تخلون بناتكم يحتاجون وفورا لهم كل شي بالعقل …
اما البنات الى ما انحرفوا كمثال ومسكوا حالهم لخوفهم من الله تعالوا شوفوها يوم تتزوج ابد كنها مو شايفه خير تبي كل شي تبي تعوض النقص الى فيها والايام الى فاتتها
وفعلا وحده تزوجت وكانت من اسره غنيه لكن مثل ما ذكرت قبل ماسكين وايد اول ما تزوجت حبت انها تعوض عن ايامها الى راحت ما فيي شي ما خذته ما في شي ما سوته ليين ما دخلت ريلها في ديووون
وفي النهايه اقول بناتكم امانه ربوهم واشبعوا رغباتهم بالمعقول !!!
صح كلامج حبوبه و يسلمووو
كلامج صحيح
وعليكم السلام ورحمة الله وبركاته
المشكلة في الموضوع إن لما تكون العايلة مادتهم قويه و ما يصرفون على عيالهم هني الغلط . .
بس بعد أوك مثلاً بنعطي البنت مصروف شهري تقضي حاجاتها فيه هي محتاية لكن بعد من جانب ثاني
إن مايكون مبلغ كبير عسب لا يخربهم مثل ما يقولون . . مبلغ يكفيها للشهر كامل ، و الأهل المفروض يتبعون
خطوات عيالهم شو ياخذون شو يشترون مممم أحس التربية وايد صعبة الله المستعان
بصراحه ما اقتنعت فديتج بان اسهل طريقه اخلي شباب يصرفوون علي …صح محد معصووم عن الخطا وماودي اتكلم ع البنات لان كما تدين تداااان ..ومابى بيكون انحط بنفس الموقف لان مافي انسان يضمن نفسه ….
والله يستر عليهن …
بس اللي حابه اقووله..ان مثلا احنا ماكنا هذيج المزانيه وربي بداخلي اشياء واااااايده ودي اشتريها واسووويهااا لكني ماقدر بسبب الظرووف الماديه ولله الحمد ومهب معناته اروووح اكلم شباب عشان يصرفوون علي مستحيل استغل اي انسان او شاب …واصلاا ماحب البنت اللي تسوي هالشيء بس الشيطان شاطر….
واحيانا مهب لازم عشان نبى الشيء نرووح لشيء مهب زين او اقبح منه …
بالعكس نصبر لين ماربي يفرجها علينا …. وصح مثل ماقلتي ومنو مب بخاطره يتشكخ وغيره وغيرررره
بس يقوولج مد ريوولك ع قد الحافك …
والله يفرجهاا ويصلح اهلهم يااربي …… والنقطه اللي ذكرتيها مهمه والله المستعان
صح البيزات احيانا تكون سبب انحراف البنات ..
لكن على حسب تربية البنت وكيف اهلها ربوها واكيد كل وحده عاقل تعرف شو الصح من الغلط ..
وبعدين لاتنسين انه التفكك الاسري احيانا يلعب دور والأهمال بعد ..
الله المستعان ..
اثقُ بك ..~[ ربيّ !
اثقُ بـ أن كل ما’ أتمنا’ه سيكون بـ رحمتكك ليّ . .
و ان كل ما ادعو به ستحققُه ليّ . . يوماً "
وانك ستجزينيّ خيراً ، لأنني آمنتُ بك وأنا موقنتاً بـ رحمتك !
ربيّ ’’فأنا لا’ احفظُ سوىّ . .
تفاءلوا’ بـ الخيّر تجدوه ..{ }