مرحبا خواتي بنات المنتدى الغالي
حبيت اضع مشكلتي بين يديكن واتمنى احصل على حل انا متطوعة والحمدلله مجتهدة والكل يشهد بذلك ولكن وااايد انكرف والشغل يزيد يوم بعد يوم المشكلة بس انا علية الضغط اما الباقي احس لا وهم بعد يقولون وااايد يعطيج شغل اكثر عنا المشكلة اكثر من موظف يعطيني شغل وصليت صلاة الاستخارة وكل مرة يطلع موضوع او اصادف ناس يذمونة ويقولون ياما ناس نفسج مروا علية بس طلعوا لانه قص عليهم بسالفة التوظيف للاسف حاسة انه يقص علية بس متمسكة بالأمل لاني اكرة يلسة البيت واني صدق محتاجة وظيفة ولا عندي واسطة لو كنتن مكاني شو بتسون
الله يسر أمورج ..سوي الشي اللي أنتي ترتاحين له .
وبالتوفيق.
الله يسر أمورج ..فديتج سوي الشي اللي ترتاحين له.
وبالتوفيق.
وانتي استخيري
وغاا هذا العمــل فيه خير للناس
يعني تطوع لفعـل الخير ^_^
احتسبي أمرج لله واكسبي حسنات أختي 
واذا هو بس تطوع في مكان عادي ومختلـط بعد
فأنا أنصحج تتركينـه أختي ما يسوى عليج وعلى نفسيتـج ودينج
وربي يوفقج لكل خير
داومي اذا ما تحبين قعدة البيت و حاولي ادورين لج وظيفة يديدة ,, عطي السيفي مالج للمراجعات مثلا اذا مجالج فيه التعامل مع الجمهور و قولي لهم يدورون لج
اذا المدير ما وظفج اقل شي بيعطيج شهادة خبرة الغالية
اختي في كل الاحوال انتي تاخذين خبرة وتشغلين وقتك
استني شوي واذا ماشفت في مجال للتثبيت دوري شغل
يوم تلاقين تركيهم
والناس الي تحرضك وتقولك تركي الشغل او قص عليكي
يمكن في قلوبهم غيره ماتعرفين
لان الانسان يوم ينصح ينصح بصورة طيبة
بس مادمتي مجتهده ومرتاحة معهم لا تخلي مشاعرك السلبية
بسبب التثبيت تطغى عليكي
لان مثل ماقلت بالاول انت تاخذين خبرة وتستفيدين
وفي اماكن ثانية بتاخذك مع خبرتك يعني مافي مشكله
شكرا الكن