ولدي فشهره السادس ومب عارفه شو أأكله

خواتي بغيت مساعدتكم ..

ولدي دخل شهره السادس من فتره
وبصراحه مب عارفه كيف أنظم وجباته وشو أسويله

سويتله عيش ما يالكه
بطاط مهروس بعد ماياكل ..

بس ياكل السيريلاك
والفواكه ..

بغيت جدول أو نظام أمشي عليه حق تغذيتهـ

أخاف أقصر في حقه .. ما أعرف شو أسويله وكيف ؟

ويزاكم الله خير ..

ما شاء الله اختيه دمعة الم كفة ووفت ان شاء الله صدق هاي مثال لنوعية الامهات المهتمات بعيالهم ,, هب شراتي انا استغفر الله ,,, بس سبحان الله ربج يعطي على قد النيات ,, انا عن نفسي ولا حد يقلدني لان الموضوع ينفع فقط مع عيالي حاولت اجربها في عيال الناس ما نفعت ,, انا عن نفسي بديت اعطي عيالي اكل عادي شرات ما آكل انا من يوم وعمرهم على نهاية الثالث او بداية الرابع وبعدين اكل عادي رز دياي لحم عصاير بيض انزين محد طلع فيه حساسية والا كانت هيئة الصحة العالمية اعلنت علي الحد هههههههههههههه ,, بس الفواكه وبالتحديد الكمثرى والتفاح هم اللي اعطيهم اياها بالملعقة يعني في نفس الوقت اهرسها واعطيهم اياها ,, اما عن العسل فهذا اعطيهم اياه من يوم ما اييبهم ( اخلفهم يعني ) صح انه يكون مخفف بالماي بنسبة كبيرة بس والله حشروني عليه ليش وليش ,, وانا مستغربة شو اللي ليش وليش ,, ترا نحن ما شاء الله امهاتنا جي سوو فينا ما اشوف ان حد فينا والله ياه تخلف معوي والا امراض من هالسالفة ,, وانا اتبع سياسة القبليين لانهم ادرى ,, وشوي منهم وشوي من اللي الحين والمركب يمشي ,, وما شاء الله عليهم عيالي ما شاء الله ما شاء الله قولوا ما شاء الله ,, صحتهم ان شاء الله انها اوكي بس الاكزيما هي اللي ذابحتنهم وشي منهم تطلع في الشتاء وشي تطلع لهم في الصيف بس هاي اتوقع انها وراثة لان حد من اهل ابوهم عندهم اياها…

لكن تعالوا شوفوا مثلا اختي لا لا لا كل شي على الدكتور على طول معدتهم 3/4 ادوية ومضادات حيوية ,, وصحتهم دايما دمرانة تخيلوا في الصيف وحر وما ادري شو تلبسهم شتوي والله شو ما يتحملون ترا لازم ما يتحملون الموضوع مب انج تهتمين فيهم تودينهم الطبيب والا لا ولا انج الساعة الفلانية تنيمينهم والساعة اللي عقبها توعينهم واللي عقب ريوق لا غداء لا عشا وكمية مهولة من اللاآت وفرض الارادة ,, الموضوع ما يباله خرعة ولا رهبة ولا شي ,, كل ما هنالك انج انتي امهم وتعرفين شو احتياجات ولدج شو يريد وشو ما يريد لو كان بيبي بعده واء واء طول الوقت ,, سبحان الله اللي تبا تعرف ولدها شو يبا بتعرف والا ما تبا وتبا تبين انها انسانة منظمة والنظام فوق الجميع وما ادري شو ,, بتبين بس شو بتخسر مع هذا كله ؟؟؟؟!!!

المهم الغالية شرات ما قلت سابقا طريقتي تنفع معاي انا وعيالي لكن عيال الناس ما تنفع معاهم ,, والله يوفقج ويسر لج الخير ان شاء الله دنيا واخره

@ اختكم في الله @

اختي بدور القلب .. انتي بعد سوي جذه اي اكل بتاكلينه اطعمي ولدج منه … و حطي وياه روب شوي بعد .. بيتعود ولدج على كل النكهات و الاكلات

والله يوفقج يارب و يحفظ لج ولدج