حبيباتي خواتي بنات الأمارات بروح بإذن الله الاسبوع الياي دبي سياحة مع زوجي وعيالي وابي اعرف الأماكن السياحية الحلوة والمميزة عندكم مو مثلنا او شي يشبه ديرتنا الكويت
يعني اماكن تنفع اليهال وكأنه سمعت عن قرية للثلج وين مكانها بالضبط بأي منطقة والأسواق الحلوة والرخيصة لتبضع الصوغة والأهل
وأسواق الجملة نفس سوق مرشد وغيره
ويزاكم الله خير ياقلبي
اتمنى الردود الحلوة والمفيدة
الأماكن السياحية مدهش قريب المطار و عروض الدلافين في حديقة الخور وفيها مدينة الطفل بيستانسون الصغارية
كل المراكز فيها عروض ابن بطوطه.. الغرير ..السيتي.. دبي مول ..الأمارات مول فيها مكان للتزلج وفي دبي مول بعد ..
ممكن اتسيرون اتلاتنس تتمشون في المكان …مدينة جميرا بعد حلوة للتمشي …في حديقة حيوان في جميرا بس الجو
حر ما يساعد واجازة سعيدة
أعتقد الأخت هنهون ماقصرت ويااج ^^ وان شاءاالله تتونسين
عندج المطعم الثلجي في تايمز سكوير واايد حلووو وعندج سكي دبي في مول الامارات وقاعة التزلج في دبي مول
واللاسواق عندج سوق عكاظ السوق الجديم و مينا بازار و الاوت لت
ماشاء الله البنات ماقصرن
حطوج نبذه مختصرة
بس بزيد عليهم ..
روحي الممشى .. حلو المكان
وروحي أتلانتس .. في الأكواريوم والأكوافنتشر واللعب مع الدلافين
ونتمنى لج اقامة مميزة بالامارات
رحلة موفقة
تسلمون خواتي لا خلا ولا عدم فديتكم