شهر العسل

ولندن بس ما عندنا اي خلفيه و لا انعرف وين انسير نحجز و لا نعرف المكاتب الي اوكي و ما نبا مكاتب اتبالغ بالاسعار
فا الي عندها تجربة لا تبخل علينا *_*

و ابا اعرف شو الاجواء عندهم هالايام …

و بالنسبة للاجواء في هالوقت فهي بارده و اعتقد انه الثلوج خفت .. يعني وقت سفركم ان شاء الله الجو يكون ربيعي ..

انا اقترح عليج تحجزون التذاكر على النت من الحين .. تنزلون فرنسا افضل لأنها اقرب (5 ساعات ) و عقب تسيرون بالقطار الى لندن .. و تقريبا 5-6 ساعات او اذا ما تحبون الدروب تاخذون طيران اقتصادي ..

بالنسبة لخطوط الطيران الافضل عندنا طيران الامارات : التذكره ب 4100 قريبا الى 4500 ( على حسب يوم العوده)
و على الاتحاد من 4100 لين 4800 …(انا حطيت المغادرة 22 مارس بس الرده 4-ابريل )

و بالنسبة للفنادق في لندن عندج الميلينيوم في النايتس بردج وايد زين و ماربل ارتش.. و كمبرلاند وايد زين .. و شي في البادنغتون فندق انديغو (احلى شي في منطقة بادنغتون انه تطلعين بالقطار من المطار الين الفندق خط واحد ما يوقف) .. و شي يعني على حسب انتي شو تبين 5 نجوم او 4 … ترومين تدورين في البوكنغ دوت كوم ..

بالنسبة لفنادق باريس ما عندي خلفية لني ما زرتها قبل … اتمنى من البنات يعطونا من خبراتهم ..