أريد خبرتكم مع البشاكير الفلبينيات ضروري

خواتي شحالكم عساكم بخير

أنا يبت بشاكير فلبينيات لمااا عيزت الاولى مسيحية زخيت عندها موبايل داستنه مع انهاا ما تمت الا شهر وكانت تستخدم تلفون البيت بالدس تكلم اختها بابوظبي وعقب كل وحدة اطلبهااا اتريا شهرين ويطلع فيهااا عله وما تيي وترييت يمكن 8 شهور طلبت خلالها 3 مسلمااااات ولا وحدة يت والحين يبت وحدة مسيحية من اسبوعين كانت وايد تستحي وتسوي اي شي اقولها وشكلهااا تبي تشتغل طبعا كان عندها فون وشليته عنهااا وتمت متضايجة وتحسب اني ما بخليها ترمس اهلهاااا وعقب عطيتهااا ترمس اهلهااا جريب الساعة من فوني وقلت لها هالمرة عطيتج ترمسينهم من عندي بهالمبلغ لان ما عندج معاش اول شهر بس المرة الياية من معاشج

انا فكرتي اني بييب بطاقة مدفوعة وبخليها عندي واي وقت تبي ترمس اهلها تيب بطاقة من معاشها ترمسهم وبخلي البطاقة الفلبينية اللي يابتهاا في الفون بس بعطيها لو تبي ترسل مسج ولو اهلها رسلولها مسج برويهااا

المشكلة طلعت عندها أخت بابوظبي وهالشي كنت خايفة منه وايد لاني ما بيها تراسل حد من داخل الدولة عقب كل يوم يدقون عليهااا قالت لي مدام بس ابي ارسل لها مسج أني وصلت بالسلامة ومرتاحة هني قلت لها اوكي تريي لباجر

مدري افكر اقولهااا هالمرة رسليلها انج اوكي ووصلتي بالسلامة بس عقب اناا ما بيج تراسلينهااا او تدقين عليهااا واباج ترمسين اهلج بالفلبين بس شو رايكم

وشي ثاني اليوم شافت الايبود مالي بالمطبخ مع السبيكر ماله تقولي مدام عادي استخدمه قلت لهااا كيف تسخدمينه ها هب رادو تقول ادري عندي نفسه بالفلبين قلت لها كيف بتستخدمينه قالت ما فيه انجليزي قلت لا كله قرآن

أخاااف اني عطيتها ويه وكل يوم تطلب مني شي من اشيائي مرة لابتوب ومرة تشوف تلفزيون

مدري بصراحة كيف أتعامل مع الفلبينيات انا اول مرة اييب بشكارة واهلي كله ييبون اثيوبيات

أختي قالت المفروض تعطينها كاش تقولين لا ما تستخدمين الايبود ها مالي

مدري انا من النوع اللي وايد يخاف من البشاكير ويستحي وايد خص اني اخاااف عبنتي مع اني ما اخليها مع البشكارة ابداااا وكل شي انا اسويه لبنتي من غسيل وسبوح واكل وكل شي