مرحبا حبيباتي
عندي استفسار عن الغرفة الرئيسية
وهو انها معروفه بالغرفة الاساسية ومركز الراحة بالنسبة لرب البيت
بس كيف اسلوبج بالمحافظة على هاي الغرفة <<<<< عرين الاسد لووووووول
يعني تسمحين لعيالج انهم يدخلونها او انهم يرقدون فيها والا شو بالضبط
لاني انا قاعدة ارتب بيتي وعندي غرفتين رئيسيات وقلت وحدة بخليها لي ولزوجي ومامسموح لحد يدخلها لانها المكان الوحيد اللي بكون شغلها بايدي وبس بدون تدخل الخدامه لعيون بو الشباب والثانية بخليها لي ولزوجي اذا حبينا انغير وبعد بتكون غرفتي اذا بو الشباب ببات برع ومسموح للاطفال يدخلونها
اعرف انه استفسار سخيف بس تعرفون انه اليهال ما شاء الله فعز نشاطهم ويحبون يستفسرون عن كل شي ويلعبوبه وانا ابي اسويها مركز الرومانسية لي ولزوجي وبخلي فيها ديكورات ما تتحمل اللمس وايد
هااااا شورايكم وخبروني عنكم
الصراحه ما أعرف
بس لو عندي بيت و غرفه رئيسيه بمنع الخدم بس ما بمنع عيالي على شرط أنهن ييلسون منظمين و ما يخيسون .. و بعد أتمنى تكون جدامها صاله صغيره أحسن جيه بييلسون في الصاله ويا أبوهم أو أسهر الفليل فيها ويا ريلي و يكون فيها تلفزيون … خخخ و الله ما عندي غير بنوته الله يخليها لي بس نتكلم عن المستقبل 
للرفع
لعيونج
مامت ريم
فرصاد
ام خليفة
مشكورين حبايبي على المرور
فكرة حلوة اختي
وأنا في بالي هالفكرة من زمان بس ان شاء الله بطبقها متى ما الله راد
غرفة تكون خاصة للزوجين محد يدخلها غيرهم ولا حتى الخدامة يعني ترتيبها يكون على الزوجة وهالشي بيفرح الزوج وايد
وغرفة ثانية تكون الغرفة الاساسية وممكن اي حد يدخلها
حلو انه الريال يلاقي مكان خاص به مرتب وكل شي
وعشان يعرف انه ام العيال ما نسته وحافظه نصيبه
صدقيني بيستانس
ولا تخلين العيال يدخلون احسن عشان يظمن بيوم اذا نسى شي انه ولا مخلوق غيرج بالغرفه ويطمن
عشق القلوب وريامي مشكورين على المرور