السلام عليكم ..
اول مره ادش هالقسم و احتاج مساعدتكم ..
انا سويت غرفة النوم كالتالي ( الصبغ بيج ، الاثاث بني محروق، الفراش تدرجات البرتقالي)
الصاله ( القنفات زيتونيه ، الصبغ بيج، و الطاولات بني محروق)
فالحين الي باقيلي الاشيا الي لازم اعلقها على اليدران + الستاير … و الاكسسوارات .. و بعد الزوالي الصغار ..
ممكن تفيدوني بالالوان و محلات الستاير الزينه ؟ في بوظبي او الشارجة .. انا فكرت اسوي مال هوم سنتر .. الي نشتريهن جاهزات و نعلقهن بس حسيت بتوهق بهن لنه ما جد سويت هالشي قبل يعني ماعندي خبره ..
يزاكم الله خير ابا مساعدتكم في القريب العاجل لنه ابا اخلص على الاقل قبل رمضان ..
اختي الألوان عنج حلوه بالنسبة للصاله ممكن تحطين ستاير لون زيتي مخططه بالبيج والبني و واللوحات بوردرها بني مع إكسسوارات بنيه ومفارش طاولات لون زيتي ، اما غرفة النوم الستاير لون برتقالي أو تدرجات البيج علشان ما تتقيدين في لبس الكفر مع اكسسوارات لون برتقالي وبني مع مراعات الخطوط والديزاين بالنسبة للصاله والغرفة ، اما محلات الستاير في محل في سوق الغوير اسمه الفضيلة تفصيلة حلو لكن شويه غلي ….ويارب يعجبج راي
يمكن يعيبج شي من ستائر صالتي 
الستاير…حاولي تدمجين لون القطع (( الزيتوني مع البيج )) حق الصاله
و نفس لشي لغرفه النوم..
اهم شي ديزاين الستاره..يجذب اكثر من اللون نفسه
موفقه
لو تصورين جزء من كل غرفه بتلاقين الاقتراحات اكثر..
لان بالوصف صعب نقترح عليج شي يمكن مايوالم الدرجه اللي تقصدينها..^.^..
مشكوووووووووووورات يا بنات .. يزاكم الله خير
و ان شاء الله لاليك بحاول اصور ….
المشاركة الأصلية كتبت بواسطة أم كنه 
ام كنه مشكوووه على الرد بس الصور مب طالعه 