خواتي ،،،
انا صدق ادودهت من كثر ما فريت بهالمنتديات ادور على وصفه اتناسب شعري،،، ابصراحه اختكم أم شهد كسوله ،،، بس بعد ما كثرت التعليقات على شعري وخفته والفراغات اللي زادت في مقدمه الراس حسيت لازم اتحرك اشوي واجوفلي خلطه مناسبه ،،، فالعاده ازيت شعري مره لمرتين بالشهر بس.gif "12 (88)")
خخخخ حد أكسل عني !!!!!!
قرقرت وااايد ،،، خواتي ابغيكم اتساعدوني ابغي اعرف شو ممكن اخلط مع زيت الجرجير لشعري ،،،
الشغله الثانيه الثوم كيف ممكن استخدمه لشعري ،،، دايركت افركه بالفراغات والا اخلطه مع زيت معين ،،،
انا خايفه اقعد اتفلسف بالزيوت وتطلع النتيجه عكسيه وافقد باقي خصلات شعري.gif "12 (1)")
فقلت بسأل خواتي من اللي عندهن خبره وتجارب ،،،،
بارك الله في اللي بتساعدني واللي بدش موضوعي ،،، ويزاكن الله الف خير خواتي
أختكم
*أم شهد*
موووووووووووووووفقة اختي
خبيرات الزيوت انشالله يفيدونج
للــــــــــــــــــــرفع ^^
ان شاء الله حد يفيدج
استمري على زيت دابر امبلا لمدة سنه واستخدميه بانتظام شرط انه يكون الاصلي
وان شاء الله بتشوفين النتيجه ^^
الخوات سوالف بحر وبيلي قيرل وظبيه النت بارك الله فيكن ويزاكن الف خير ،،،
الاخت بنت DXB الغلا انا اصلا ازيت شعري بدابر املا (اللي بريحه) واخذه من الجمعيه او السفير عاد ما عرف اذا اصلي او لا ،،، ينكتب على العلبه اصلي والله العالم غير اني مو مستمره عليه واايد
مشكوره فديتج ما قصرتي
اتمنى من باقي الخوات المشاركه من اصحاب الخبره
للــــــــــــــــــــــــــــــــرفع رفع الله مقامكم ،،،