السلام عليكم ورحمة الله وبركاته
مرحبا حريم بنات
الغوالي بدخل بنتي الكجي1 ع السنة اليايةوابغي ادخلها مدرسة خاصة وبغيت اتخبركن شو احسن مدرسة خاصة في ام القيوين وكيف تدريسهم اوكي ولا لا
وإذا عيالكم فمدارس برع أم القيوين فممكن تعطوني معلومات عن المدرسة وكم ياخذون وهل تدريسهم اوكي ولا لا
وريلي خبرني انه بيفتحون مدرسة خاصة يديدة في ام القيوين فهل سمعتوا عنها وهل بتبدا الدراسة ع السنة الياية ولا لا
والسموحة إذا طولت عيكم بس ردو علي لا اطنشوني
ما شي غير مدرسة الشويفات والدوام لين العصر
انا السنه اللي طافت دورت لولدي وما حصلت
والصراحه امدحلج روضة الكوثر
عندهم الانجليزي من 5 سنوات تقريبا
واللي تدرسهم اجنبيه
والعربي ما شاء الله روووعه
يعني الحين يعرفون نص الحروف مع التشكيل وبدوا يعلمونهم قراءة بعض الكلمات
وتقدرين تسيرين يوم وتحضرين عند اي مدرسه عادي وشوفي طريقة تدريسهم
وبالتوفيق
مشكورة أم عبودي ما تقصرين
يسلمو علي موضوع االحلوه ربي لا هانكم
^_^
الله يسلمج أختي الغزالة
أختي إذا تبين بنتج تتأسس صح من البدايه في مدرسة خاصة فالشارجه أسمها "الرساله" وااايد أوكي
أنا عرف وايد من أم القيوين ايسيرولها وبنات خالتي بعد
وشي باصات بعد يودونهم
أتوووقع بس مب اكيد أن حول السنه 16000 درهم
أنتي دقي البداله وخذي رقمهم وأتأكدي احسن
والسموحه
اغلب الناس في ام القيوين يودون عيالهم مدارس عيمان..انا وديت عيالي كلهم مدرسة الحكمه…وايد زينين….والمدرسه الوطنيه بعد عيال حميتي كانوا فيها…وفي مدرسة عجمان الحديثه..يمدحونها