طريقة عمل الدخون والمخلط

وشفت وايد في هالمنتدى يسئلون عن طريقة عمل الدخون بس غالبا مايكون فيه رد..

دورت في إحدى المنتديات الثانيه عشان أفيدكم وحصلت لكم كمن طريقة وان شاء الله تكون سهله ومفهومه..

وأنا مابي منكم شي إلا الدعاء بالرزق والنصيب الزين..

***************

الدخون:

بخور آهات
المقادير:
كوب سحال ( العود المطحون ناعم)- تولتين دهن الورد- عنبر حسب
الرغبه – ربع كوب مسك بودر( أو اقل شوي)- تولتين عطر نيود مركز.

الطريقة:
ذوبي العنبر في دهن الورد على نار هادئة جدا ( انتباه لا تستنشقي
البخار)- اخلطي المسك الناعم مع السحال عطر نيود ثم صبي عليه
خليط العنبر- اعجني المقادير جيدا- إذا كانت جامدة أضيفي إما دهن
الورد أو نيود ( حسب الرائحة اللي تفضلين)- كوري الخليط واتركيه في
مكان متجدد الهواء مدة يومين ثم قومي بتعليبه.

***************

بخور مميز:
المقادير:
كــوب عــود مطحــون نــاعمـــاً _ تــولتيــن دهـن الــورد
عنــبــر حســب الــرغبــة _ كـوب مـسـك بـودرة _ تولتيـن
عطــر نـيــود مــركــز

الطريقه:
ذوبـي العنبــر فــي دهـن الـورد عـلـى نــار هــادئــة،،،،،،
اخـلـطـي الـمـسـك الـنـاعـم مــع الـعود الـمطــحـون وعـطـر نـيـود ……. ثــم صـبـي عـلـه خـلـيـط الـعـنــبـر …… واعجـنـي المــقــاديــر جـيــداً… واذا كــانـت الـخـلـطة يـابــسـة وجــافــة اضـيـفـي الـيـهـا امــا دهـن الــورد أو عطــر نــيــود.. كــوري الـخـلـيـط واتـركــيــه فـي مـكـان مـتجـدد الـهــواء لـمـدة يــومــيــن …….. ثـم قــومــي بتعــلـيبــه واسـتـخــدامـــه.

***************

المخلطات:

خلطة بنت الإمارات

نصف توله نداء الليل
نصف توله بنت الإمارات
نصف توله صندل
نصف فيجي البحرين
نصف توله موتيا
ربع توله مريم
ربع توله فل

***************

خلطة غناتي

توله موتيا
توله عرق الزعفران
توله مها
توله موناليزا
ذرة من مسك الغزال

***************

واللي بتسوي وتطرش لي زين تسوي خخخخخخخ

لا تنسون تدعون لي..

المشاركة الأصلية كتبت بواسطة محتــارة

مشكوووووووووورة الغالية =)

العفووووووو الغاليه…..

المشاركة الأصلية كتبت بواسطة عاليه21

سؤال من وين ناخذ مكونات الدخون بليز
خاطري اقضي وقتي في هالسوالف

اختي أنا ما أسوي بس في خاطري أجرب وأسوي..

على ما أظن بتحصلينه عند أجمل وعبدالصمد القرشي و………. الخ

وإذا ماحصلتي، اشتري اللي تبينه وخلطي على كيف كيفج مع اي دخون عندج من أول، وان شاء الله تطلع النتيجه حلوه..

المشاركة الأصلية كتبت بواسطة فديت اماراتي

مشكووورة ع الموضوع الغاوي,,
من زمان افخاطريه اتعلم اسوي دخوون,,

العفو اختيه…

عاد أنا شفت وايد منكن يبون يتعلمون ، قلت ليش ما أدور وأحط لهم..

وان شاء الله أكون عند حسن ظنكم..