السلام عليكم ورحمة الله وبركاته
شحالكن الغاليات
هالوصفه يبتها بعد من نفس العضوة اللي سبق وذكرت عنها موضوع بقسم الشعر
ولحد ايي ويقول اسويلها دعايه 
انما انا شفت خلطاتها وعيبتني لاني احسها فعلا مفيده وهالحرمه حطت خلطاتها بالنت لانه صارت سرقه لخطاتها وقامو يغشون باسمها
نشوف الخلطه 
لدي الحل وهو يكتب لاول مره بالمنتديات عسى الله ان ينفعكن به ويكتبه صدقة جارية في موازين حسناتي اللهم امين .. دعواتكم والله اني اكتب لكم وفيني ضيقه ما يعلم بها الا الله .. بس مابي اكتم اللي عطانيه ربي من علم وقدره على الابتكار
مااطول عليكم
المقادير
اكياس الشاي الاخضر ( يفضل شاي ليبتون )
دباسه
نص ملعقة صغيره لبان ذكر مطحون (الكندر)
نص ملعقه صغيره بطاط مجفف مطحون
نص ملعقه صغيره كركم بشره مطحون << يفضل بدل منه الورس ان وجد وهو يشبه الكركم بس لونه على احمر
نص ملعقه صغيره نعناع مجفف مطحون
نص ملعقه صغيره بابونج مطحون
خردل مطحون
موية ورد
<< كلها بالعطار
الطريقه
هاتي اكياس الشاي وقصي راسها من فوق بشويش وافتحي الكيس وشيلي ثلاثة ارباع الشاي وخلي ربعه وهاتي لبان الذكر والبطاط والكركم والنعناع والبابونج وحطيها بالكيس ودبسيه مرره ثانيه من فوق .. سوي كل الاكياس الموجوده عندك بنفس الطريقه ورديها مره ثانيه بالكرتون لحين الاستخدام
ضعي ماء الورد في قوالب الثلج
طريقة الاستخدام
حطي ثلاث ملاعق موية ورد بكاس مويه واغليها على النار بعدين طفيه وحطي كيسين من الاكياس اللي عملتيهم فيه .. وانتظري عشر دقايق تدفى
اثناء ذلك هاتي خردل وحطيه بمويه مغليه بعد ما تدفى شوي غمسي القطن وامسحي عينك فيه من تحت الجفن الى الاعلى من الزوايا عيديها خمس مرات الين تبرد القطنه لكل عين
بعدها خذي الاكياس وحطيها على عينك وهي دافيه مع مراعاة عدم تسرب الماء الى العين (انتي حطيها على الجفن من تحت .. واسترخي ربع ساعه استرخااااااااء لا قالو استرخااااااااء
بعدها هاتي كاس المويه اللي حطيتي فيه الاكياس وغسلي وجهك كله فيه للاستفاده منه للوجه ايضا << عصفورين بحجر بعدها هاتي القوالب الثلجيه من موية الورد ومرريها على كل عين وكامل الوجه .. ونعيما
كل يوم مدة 15 يوم وشوفي شلون الهالات والتجاعيد والنتفاخ راحو باذن الله وتنعمين بوجه مشرق ومنور وعدسات تلمع زي القطوه مع مراعاة عدم السهر او وجود اسباب مرضيه
الفوائد
لبان الذكر << شد التجاعيد
الشاي الاخضر << مقاومة الانتفاخ
البطاط << امتصاص اسمرار المنطقه
كركم << تبييض المنطقه
نعناع << مقاومة الانتفاخ
بابونج << جميع ما ذكر خخخخ يا لبا بس
الخردل << الاسراع في صعود الدم الى هاذه المنطقه لاستقبال الخلطه والاستفاده منها اكثر + مقاومة الحبوب الصغيره المتناثره حول العينين
دعوااااااااااتكم الله يحقق لي اللي اتمنى دنيا واخره من قلب
ما شاءالله افكار حلوووه
تسلمين والله يووفقج يا رب
تسلميييييين
فديتكن الغاليات
الله يبرد قلبكم مثل مابردتو قلبي بردودكم
للرفع
موفقه عزيزتي
الله يخليج سلمين ^^
يسلموووو