السلام عليكم خواتي
لو سمحتوا خواتي بغيت نصايحكم يمكن وخده منكم تخفف علي من بعد الله الهم والتفكير اللي شايلته بقلبي..انا متزوجه قبل سنه.. وحملت مرة بس سقطت بنص الشهر الثاني والحمدلله..وربي يسامح الدكتوره.
مشكلتي ياخواتي. ان اخر دوره غسلت فيها كانت بتاريخ 6/7/..للحين ما نزلت لي الدوره ومب متعوده تتأخر علي كذا. واحس بكل اعراض الحمل من الم بالظهر والبطن والم الاسنان اللي مخبل فيني هالشهرين. والم صدري وريلي. وتقلب مزاجي.. وسخونه بجسمي كل صباح. سرت عيادة خاصه سوت لي الدكتوره فحص دم قالتلي سلبي. لما سوت سونار. شافت ان الرحم وايد سميك واستغربت وخوفتني. قالتلي عضلات الرحم سميكه وهذا يدل ع حمل بس ليش مب واضح. وزادت من خوفي وايد. قالتلي تعالي بعد اسبوعين. بس انا تعقدت منها وقلت مابسير. اللي صار معها شراتي الله يخليكم تجاوبني واللي عدها اي معلومه تفيدني ربي يجزاكم الجنه. لان هالدكتوره نفس الشي خوفت اختي بكيس دم ب رحمها وبالاخير اصلا هالكيس كان المبيض بس الدكتوره ماعرفت تشخص.
انزين اختي ليش ماتروحين عند كمن دكتورة انا مثلج كله كانوا يزيغوني قمت ما اسمع ولا اعتمد ع كلام دكتورة وحده اسوي اقل شيء عندي 3 واقارن …….. عشان افهم …. لانه الدكاترة يحبون يعقدون الامور … اتوكلي ع ربج وروحي عند دكتورين بعد لو عندج الامكانية ومابيتعبج الشيء لانه هنيه محد يقدر يفيدج
المشاركة الأصلية كتبت بواسطة السنقباســـية 
مشكوره الغاليه.. وان شاءالله بسير عند دكتورتي اللي براك
بس اللي مخوفني زياده نزول افرازات مثل الماي من يومين. وبدون ريحه. هالشي وايد مضايقني
جربي اختي دكتورة ثانية عشان تطمني وان شاء الله خير
انا صارت لي من كم شهر مايت لمدة اربع اسابيع وتحليل الدم والسونار طلع ماشي حمل
واخر شي نزلت الدورة
ربي يفرحج ويفرح كل محروم بالذرية الصالحة
المشاركة الأصلية كتبت بواسطة ثريا 2024 انا صارت لي من كم شهر مايت لمدة اربع اسابيع وتحليل الدم والسونار طلع ماشي حمل
واخر شي نزلت الدورة
ربي يفرحج ويفرح كل محروم بالذرية الصالحة
امين يارب.. تسلمين يالغاليه.. وربي يرزق كل محرومه يارب
طمنينا عليج
اختي الموضوع بسيط ولا يحتاج تفكير او موضوع حتى ، دامج ماتوثقين فيها روحي حق دكتوره ثانيه !
ومن باب الاحتياط لا تتحركين وايد . وعسى الله يرزقج بالذريه الصالحه