السلام عليكم بنات :
منوه تعرف صابونة تساعد على التخلص من الدهون في الجسم المكتسبة عن طريق أدوية كيميائية نفسية او عن طريق السمنة و ايكون استخدامها سهل مب متعب استحمام مرتين في اليوم أو منوه تعرف شي فعال لحرق الدهون و مجرب؟
لا اتقولولي دكتور نيوترشن خسرت فلوسي عنده عالفاضي
أو منوه جربت أعشاب اتساعد على هالشي؟
منوه جربت الدكتور خالد و كيف اتحسه هل عنده شي حق نفس هالحالات؟!
لا اتقولولي الزنجبيل لأنه كل ما استخدمه اتييني بعد فترة الدورة فجأة على غير موعدها بوايد
خل التفاح علي الريج وايد زين جربيه
ماي ديتوكس مفيد وايد ومشروبات، شوفي شو يناسبج،،،
بس اللي بيقولج كريم وصابون وماعرف شو كله خرط
الوزن الزائد مب مهم كيف اكتسبتي بالادوية وللا الاكل وللا شو مكان، ،حله ريجيم ورياضة فقك،،، عن تغرج الدعايات ترى كلها كلام فاضي اللي بينشفط بس فلوسج
رجيم اللقيمات حلو
خل التفاح علي الريج وايد زين جربيه
جربته بس للأسف مع الأيام كبدي صارت اتلوع منه و طعمه لاذع جدا و غير مستساغ و عقب ما حبيته
المفروض بمعدل كم ملعقة يوميا نشرب منه؟!
ماي ديتوكس مفيد وايد ومشروبات، شوفي شو يناسبج،،،
وين يبيعونه بعد هذا؟! مشروبات مثل شو يعني ؟!
بس اللي بيقولج كريم وصابون وماعرف شو كله خرط
أها و بعد شو مكتوب الاستحمام يوميا مرتين لأفضل النتائج أنا يوم فيني الدورة ما أقدر أتسبح هالكثر أصلا أكون تعبانة
الوزن الزائد مب مهم كيف اكتسبتي بالادوية وللا الاكل وللا شو مكان، ،حله ريجيم ورياضة فقك،،، عن تغرج الدعايات ترى كلها كلام فاضي اللي بينشفط بس فلوسج
لا حبيبتي الدهون و الوزن الزائد اللي ايكون مكتسب عن طريق الأدوية النفسية يكون مقاوم لإنقاص الوزن عن طريق الرياضة و ما يرجع الجسم على طبيعته نفس ما كان قبل عالرغم من إيقاف الأدوية؛ و عن تجربة وحدة من ربيعاتي قالتلي بعد أنها كانت اتسوي رياضة دوم وزنها كيلو واحد ما نقص، أما من ناحية الدعايات ههههههه صح كلامج بس تعرفين بعد الواحد صعب يحكم على شي و هو بعده ما جربه لأنه حرام يمكن ناس استفادت من هالشي و ناسب طبيعة جسمها.
أنا جربت بعد الشيك أوفShake Off مال شركة إيدمارك بس طعمه كان غير مستساغ نهائيا و ايعورلي بطني وايد و يخليني كل اشوي أروح الحمام يعني كان مب شي