السلام عليكم خواتي
فالبدايه عمري 23 طولي 164و وزني قبل كان 76 و الحين الحمد الله وصلت ل 64
همممم بصراحه بنات انا الحين وايد مقتنعه بجسمي لانه الحمد الله مشدود و مب متينه ولا ضعيفه.. احس انه طبيعي !! صح اني مابي أضعف زياده ! لكنني في نظر البعض بعدني مليانه و يقولولي استمري ،بس بعد شي ناس يقولولي جي وايد اوكي جسمج ..
ولا مفهوم الرشاقه لازم يكون يلد على عظم ^_^ !!!
وحده فالدوام تقولي لو أوصل 56 بكون وايد اوكي !
أنا قبل و لله الحمد نزلت 12 كيلو ..الحين ما بيغلبوني 7 او 8 كيلو ..لكن مادري هل أرضي نفسي ولا أرضي الناس !!
شوروا علي
اانا طولي تقريبا متلك ووزني الان 65
بس بحس حالي مليانه وحابه انحف
لما كان وزني 55 الكل كان يحكي كتير حلو ومتناسق
وحسب كل وحده جسمها بختلف عن التاني
ازا انتي عاجبك هيك خلاص وقفي واذا حاسه لسا بدك تنزلي استمري
وبرافو عليكي بعجبني اصرارك
تبارك الله حافظي على هذا وخلاص الاعتدال حلو 
اولا مبر النزول
ثانيا ممكن توصلي لل 60 اوكي وتوقفي
واذا شايفه ان جسمج مترتب ومافي زوايد ثبتي وزنج عزيزتي لان مب دوم الوزن لو في زياده 2 او 3 كيلو يعني سمنه ممكن يكون زيادة عضل مب دهون
أرضي نفسج قبل الناس لأنه الناس ماتعجبها شيء يعني حتى لو وصلتي سي وخمسين بيتكلمون
انتي أهم شيء الحين حافظي على وزنج بالرياضه 3 مرات فالأسبوع وكلي لكن ثلث لطعام وثلث للشراب وثلث للنفس مثل ماوصانى الرسول
الله يوفقج وأيسر أمورنا
اذا انتي شايفه ان جسمج اوكي خلاص لا تهتمين بكلام الناس
اهم شي تحاولين تثبتين وزنج و ما يزيد نظام السعرات رائع
انتي الحين تعرفين شو الاشياء اللي تزيد الوزن حاولي تخففين منها
و استمري عالرياضه بيتم جسمج مشدود اذا وقفتي رياضه بيرد ترهل و بيبان وزنج ازيد
بالتوفيق ان شاء الله
ثانكيو حبيباااتي واايد
اب اب بشوف بعد آراء و برد عليكم ان شاءالله