السلام عليكم ورحمة الله وبركاته
قريت توني موضوع عن (حليب الصويا) مزلتنه الاخت "مهياوه" يمكن..؟!
بنات البارحة أول مرة أشربه.. لأن ربيعتي نصحتني فيه.. وقالت اللي بنكهة الككاو أحلى شي..
قالت لي.. ان ربيعتها صار لها فترة تاخذه يمكن سنة تقريبا.. تحلف لي تقول والله كلنا لاحظنا ان صدرها كبر..
أنا طبعاً وصيت أخوي اييبلي..
يايبلي مال الككاو
ومال الكابتشينو
ومال malt يعني الشعير اعتقد..
ما ذقت الا مال الككاو..
بصراحة حلو طعمه.. يمكن لاني أحب منتجات الحليب واللبن وهالسوالف..
ـــــــــــــــــــــــــ
أنا شربت بس كوب واحد… لأن العلبة وايد كبيرة..
قلت أكيد بتكفي لــ يوم ونص..
بس قريت من ردود وحدة من الخوات اهنيه انها تشرب كل يوم علبة ما شالله ههههههههه شكلي بسوي مثلها..
بس حشى والله خساير جي..
العلبة الوحدة بــ 6 دراهم ونص أعتقد ..
ـــــــــــــــــــــــــ
أنا من راس الخيمة.. وأشريته من ((السفيــــر))
ويقولون موجود فكارفور بعد.. والجمعيات الكبيرة..
مب فالدكاكين العادية…
ـــــــــــــــــــــــــ
أنا قريت معلومات عنه.. انه يمتن …
ووايد وايد مفيد للبشرة..
ويكبر الأرداف..
ويكبر الصدر
ويطول ويقوي الأظافر..
وزين للشعر..
وسمعت انه مب زين للأولاد..
لانه يسبب العقم.. ويزيد عندهم هرمونات الأنوثة..
ـــــــــــــــــــــــــ
وان شالله أول ما تطلع النتيجة فيني.. راح أخبركم
وهذي الصورة.. مكتوب عليه saymilk
مع اني لاحظت ان ما اتيي نفس الرمسة بالضبط صح؟؟؟؟؟
هلا اختي ..
انا بصراحة جربت الي بالكاكاو و الكابتشينو كانو رووعة بس الي كان عاادي يعني بدون نكهة مول ما عيبني
بس وقفت شهر ما ادري ليش .. و ان شالله الحين برجعله اكيييد …
و جربيه و انا بعد و خبريني بالنتايج ^^
صحة وعافية اختي
عاد انا مب ناقصة ارداف ههههههههههههه بس ابا حق الشعر والبشرة
بس اخاف ان خذتة انتفخ وانا مب ناقصة
ومشكوووووووووورة وموفقة
المشاركة الأصلية كتبت بواسطة مهياوة 
انا بصراحة جربت الي بالكاكاو و الكابتشينو كانو رووعة بس الي كان عاادي يعني بدون نكهة مول ما عيبني
بس وقفت شهر ما ادري ليش .. و ان شالله الحين برجعله اكيييد …
و جربيه و انا بعد و خبريني بالنتايج ^^
اهليييين وسهليــــن بـــ مهياوه^^
لازم أعتقد باستمرار عشان تطلع النتيجة صح؟؟
كل ليلة هههههه
أنتي كم كنتي تشربين باليوم؟ كوب واحد ولا علبة؟
نور الفجر
الله يعافيج.. وتسلمين والله
لا لا خلاص ما يصلح لج يمكن يمتنج ههههههه >> احباطات
ههههههههههههههههههههههههه لا ما افكر فية ابدا
معني ممنوعة من حليب البقر ويقول الدكتور استخدمي الصويا بس ما افكر حاليا الا اذا عقب
عقب ما اكون رشيقة غزال هههههههههههه
هاهاها
رفرش للموضوع